ജര്‍മ്മന്‍ ഫുട്‌ബോളര്‍ റോബര്‍ട്ട് ബോവര്‍ ഇസ് ലാം മതം സ്വീകരിച്ചു

ബെര്‍ലിന്‍: ജര്‍മ്മന്‍ ഫുട്ബോള്‍ താരം റോബര്‍ട്ട് ബോവര്‍ ഇസ് ലാം മതം സ്വീകരിച്ചു. സൗദി ക്ലബ് അല്‍ തായിയുടെ ഡിഫന്ററായ റോബര്‍ട്ട് മതം മാറിയ കാര്യം കഴിഞ്ഞ ദിവസമാണ് വെളിപ്പെടുത്തിയത്. ഇന്‍സ്റ്റഗ്രമിലൂടെയായിരുന്നു വിവരം പങ്കുവച്ചത്. തന്റെ ഇന്‍സ്റ്റാഗ്രാം അക്കൗണ്ടില്‍ നിസ്‌കരിക്കുന്ന ഒരു ചിത്രവും പോസ്റ്റ് ചെയ്ത താരം ഭാര്യയും കുടുംബവും വഴിയാണ് താന്‍ മതം മാറിയതെന്ന് വെളിപ്പെടുത്തുകയും ചെയ്തു. 28കാരനായ ജര്‍മ്മന്‍ ഫുട്ബോള്‍ താരം ബുണ്ടസ്ലിഗ 2-ല്‍ 2014 ഒക്ടോബര്‍ 31ന് ഫോര്‍ച്യൂണ ഡസല്‍ഡോര്‍ഫിനെതിരെ ആല്‍ഫ്രെഡോ മൊറേല്‍സിന് പകരക്കാരനായാണ് അരങ്ങേറ്റം കുറിച്ചത്.