കുട്ടീഞ്ഞോയ്ക്ക് അഞ്ച് ആഴ്ചത്തെ വിശ്രമം; ബാഴ്‌സയ്ക്കായി കളിക്കില്ല

സാവോപോളോ: ബ്രസീല്‍ മധ്യനിര താരം ഫില്ലിപ്പെ കുട്ടീഞ്ഞോ സീസണിലെ ശേഷിക്കുന്ന മല്‍സരങ്ങളില്‍ ബാഴ്‌സയ്ക്കായി കളിക്കില്ല. താരത്തിന്റെ കാല്‍ മുട്ടിനേറ്റ പരിക്കിനെ തുടര്‍ന്ന് കഴിഞ്ഞ ദിവസം ശസ്ത്രക്രിയ നടത്തിയിരുന്നു. കുട്ടീഞ്ഞോയ്ക്ക് അഞ്ചാഴ്ചത്തെ വിശ്രമമാണ് ഡോക്ടര്‍മാര്‍ നിര്‍ദ്ദേശിച്ചിട്ടുള്ളത്. ഇതോടെ താരത്തിന്റെ ഈ സീസണിലെ ബാഴ്‌സലോണയുടെ മല്‍സരങ്ങള്‍ അവസാനിച്ചു. ജൂണില്‍ ആരംഭിക്കുന്ന കോപ്പാ അമേരിക്കയില്‍ താരം കളിച്ചേക്കും. ഡിസംബറില്‍ ഐബറിനെതിരായ മല്‍സരത്തിലാണ് 28കാരനായ കുട്ടീഞ്ഞോയ്ക്ക് പരിക്കേറ്റത്. പരിക്കിനെ തുടര്‍ന്ന് കുട്ടീഞ്ഞോ ബ്രസീലില്‍ ആണ് ചികില്‍സ നടത്തിയത്. കുട്ടീഞ്ഞോ കഴിഞ്ഞ സീസണില്‍ ലോണില്‍ ബയേണ്‍ മ്യൂണിക്കിനായി കളിച്ചിരുന്നു.