ഇറ്റലിയും സ്‌പെയിനും യൂറോ യോഗ്യതയ്ക്കരികെ

റോം: തകര്‍പ്പന്‍ ജയത്തോടെ ഇറ്റലിയും സ്‌പെയിനും യൂറോ 2020 യോഗ്യതയ്ക്കരികിലെത്തി. ഗ്രൂപ്പ് എഫില്‍ ഫറോ ഐലാന്റിനെതിരായ മല്‍സരത്തില്‍ സ്‌പെയിന്‍ 4-0ത്തിന്റെ ജയമാണ് കരസ്ഥമാക്കിയത്. റൊഡ്രിഗോ(13, 50), അല്‍കാസര്‍(89, 90) എന്നിവരാണ് സ്‌പെയിനിനായി ഗോള്‍ നേടിയത്. ഇതോടെ ഗ്രൂപ്പ് എഫില്‍ 18 പോയിന്റുമായി സ്‌പെയിന്‍ ഒന്നാമതാണ്. സ്വീഡനാണ് രണ്ടാം സ്ഥാനത്ത്. ഗ്രൂപ്പ് ജെയില്‍ നടന്ന മല്‍സരത്തില്‍ ഫിന്‍ലാന്റിനെ ഇറ്റലി 2-1ന് തോല്‍പ്പിച്ചു. ജയത്തോടെ ഇറ്റലി 1-8 പോയിന്റുമായി ഗ്രൂപ്പ് ജെയില്‍ ഒന്നാമതെത്തി. 12 പോയിന്റുമായി ഫിന്‍ലാന്റ് രണ്ടാമതാണ്. ഇമൊബില്‍(59), ജോര്‍ജിനോ(79) എന്നിവരാണ് ഇറ്റലിയുടെ സ്‌കോറര്‍മാര്‍. മറ്റ് മല്‍സരങ്ങളില്‍ ഗിബ്രാള്‍ട്ടറിനെതിരേ സ്വിറ്റ്‌സര്‍ലന്റ് 4-0ത്തിന്റെ ജയം സ്വന്തമാക്കി. മാള്‍ട്ടയ്‌ക്കെതിരേ റുമാനിയ 1-0 ജയം സ്വന്തമാക്കി. ജോര്‍ജിയ-ഡെന്‍മാര്‍ക്ക് മല്‍സരം ഗോള്‍ രഹിത സമനിലയില്‍ അവസാനിച്ചു. സ്വീഡന്‍-നോര്‍വേ മല്‍സരം 1-1 സമനിലയില്‍ അവസാനിച്ചു.