യൂറോയില്‍ ആദ്യമായി ഓസ്ട്രിയ പ്രീക്വാര്‍ട്ടറില്‍; ഹോളണ്ടിന് മിന്നും ജയം

ആംസ്റ്റര്‍ഡാം: യൂറോ കപ്പിന്റെ ചരിത്രത്തില്‍ ആദ്യമായി ഓസ്ട്രിയ പ്രീക്വാര്‍ട്ടറില്‍ പ്രവേശിച്ചു. ഗ്രൂപ്പ് സിയില്‍ ഇന്ന് നടന്ന മല്‍സരത്തില്‍ ഉക്രെയ്‌നെ എതിരില്ലാത്ത ഒരു ഗോളിന് തോല്‍പ്പിച്ചാണ് അവരുടെ ചരിത്ര നേട്ടം. തോറ്റെങ്കിലും ഒരു ജയമുള്ള ഉക്രെയ്‌ന് മികച്ച മൂന്നാം സ്ഥാനക്കാരായി അടുത്ത റൗണ്ടിലേക്ക് പ്രവേശിക്കാനുള്ള സാധ്യതയുണ്ട്. ഇതേ ഗ്രൂപ്പിലെ മറ്റൊരു മല്‍സരത്തില്‍ ഓറഞ്ച് പട തുടര്‍ച്ചയായ മൂന്നാം ജയം നേടി ഗ്രൂപ്പ് ചാംപ്യന്‍മാരായി പ്രീക്വാര്‍ട്ടറില്‍ കടന്നു. നേരത്തെ പുറത്തായ നോര്‍ത്ത് മാസിഡോണിയയെ എതിരില്ലാത്ത മൂന്ന് ഗോളിനാണ് ഹോളണ്ട് പരാജയപ്പെടുത്തിയത്. ക്യാപ്റ്റന്‍ വൈനല്‍ഡാം മല്‍സരത്തില്‍ ഇരട്ട ഗോള്‍ നേടി. മെഫിസ് ഡെപ്പെ ഒരു ഗോള്‍ നേടുകയും ഒരു ഗോളിന് വഴിയൊരുക്കുകയും ചെയ്തു.