ഡ്യുറന്റ് കപ്പില്‍ മുഹ്മദ് നെമിലിന് ഗോള്‍; എഫ് സി ഗോവ ക്വാര്‍ട്ടറില്‍

കൊല്‍ക്കത്ത: ഡ്യുറന്‍്‌റ് കപ്പില്‍ എഫ് സി ഗോവ ക്വാര്‍ട്ടറില്‍. ഇന്ന് നടന്ന മല്‍സരത്തില്‍ സുദേവാ എഫ് സിയെ 2-1നാണ് ഗോവ തോല്‍പ്പിച്ചത്. സ്‌പെയിനിന്റെ ജോര്‍ജ് ഓര്‍ട്ടിസ് മെന്‍ഡോസയും മലയാളി താരം മുഹമ്മദ് നെമിലുമാണ് ഗോവയ്ക്കായി സ്‌കോര്‍ ചെയ്തത്. രണ്ട് വര്‍ഷം മുമ്പ് സ്‌പെയിനില്‍ പരിശീലനത്തിനായി പോയ നെമില്‍ ഈ സീസണിലാണ് തിരിച്ചെത്തിയത്. റിലയന്‍സ് ഫൗണ്ടേഷന്‍ യങ് ചാംപ്‌സ് അക്കാഡമി വഴിയാണ് താരം മുംബൈയിലും തുടര്‍ന്ന് സ്‌പെയിനിലും പരിശീലനം നടത്തിയത്.