കോപ്പാ ഡെല്‍ റേയില്‍ റയലും ബാഴ്‌സയും മുന്നോട്ട്

മാഡ്രിഡ്: സ്പാനിഷ് കോപ്പാ ഡെല്‍ റേയില്‍ ബാഴ്‌സലോണയും റയല്‍ മാഡ്രിഡും പ്രീക്വാര്‍ട്ടറില്‍. ഇബിസയെ 2-1ന് തോല്‍പ്പിച്ചാണ് ബാഴ്‌സയുടെ ജയം. ഗ്രീസ്മാന്റെ ഇരട്ട ഗോളുകളാണ് ബാഴ്‌സയ്ക്ക് തുണയായത്. മല്‍സരത്തില്‍ കബാലേയിലൂടെ ഇബിസയാണ് ലീഡ് നേടിയത്. 72ാം മിനിറ്റില്‍ ഗ്രീസ്മാന്‍ സമനില ഗോള്‍ നേടി. തുടര്‍ന്ന് ഇഞ്ചുറി ടൈമിലെ ഗ്രീസ്മാന്റെ രണ്ടാം ഗോള്‍ ബാഴ്‌സയ്ക്ക് രക്ഷയ്‌ക്കെത്തുകയായിരുന്നു. യൂണിയന്‍സ്താസിനെ 3-1ന് തോല്‍പ്പിച്ചാണ് റയല്‍ മാഡ്രിഡ് അവസാന 16ല്‍ ഇടം നേടിയത്. ഗെരത് ബെയ്ല്‍, ഗോണ്‍ഗോറാ, ഡയസ് എന്നിവരാണ് റയലിനായി വലകുലിക്കിയത്. വിയ്യാറല്‍, വലന്‍സിയ എന്നിവരും് പ്രീക്വാര്‍ട്ടറില്‍ പ്രവേശിച്ചു.

അതിനിടെ ഫ്രഞ്ച് ലീഗ് കപ്പ് ഫൈനലില്‍ പിഎസ്ജി പ്രവേശിച്ചു. റീംസിനെ 3-0ത്തിന് പരാജയപ്പെടുത്തിയാണ് പിഎസ്ജിയുടെ കുതിപ്പ്. മാര്‍ക്വിനേയാസ, നിയാന്‍സോ കവാസി എന്നിവരാണ് പിഎസ്ജിയ്ക്കായി സ്‌കോര്‍ ചെയ്തത്. രണ്ട് ഗോളിനും വഴിയൊരുക്കിയത് നെയ്മറാണ്. മൂന്നാം ഗോള്‍ റീംസിന്റെ വക സെല്‍ഫ് ഗോളായിരുന്നു. ഒളിംപിക് ലിയോണാണ് ഫൈനലിലെ പിഎസ്ജിയുടെ എതിരാളി.