ചാംപ്യന്‍സ് ലീഗ്; രാജകീയമായി ഗണ്ണേഴ്‌സ്; രക്ഷപ്പെട്ട് റയല്‍ മാഡ്രിഡ്

എമിറേറ്റ്‌സ്: ചാംപ്യന്‍സ് ലീഗില്‍ ആറ് വര്‍ഷത്തിന് ശേഷം തിരിച്ചെത്തിയ ആഴ്‌സണലിന് മിന്നും തുടക്കം. പിഎസ് വി ഐന്തോവനെ നേരിട്ട ആഴ്‌സണല്‍ നാല് ഗോളിന്റെ ജയം നേടി. എന്നാല്‍ രണ്ട് വര്‍ഷത്തെ ഇടവേളയ്ക്ക് ശേഷം എത്തിയ മാഞ്ചസ്റ്റര്‍ യുനൈറ്റഡിന് പിഴച്ചു. ബയേണ്‍ മ്യുണിക്കുമായി നടന്ന ഇഞ്ചോടിഞ്ച് പോരാട്ടത്തില്‍ 4-3ന്റെ തോല്‍വിയാണ് ടീം വഴങ്ങിയത്. റയല്‍ മാഡ്രിഡ് യൂണിയന്‍ ബെര്‍ലിനോട് കഷ്ടിച്ച് ഒരു ഗോളിന് രക്ഷപ്പെട്ടു. ഇഞ്ചുറി ടൈമില്‍ പുത്തന്‍ സൈനിങ് ജൂഡ് ബെല്ലിങ്ഹാമാണ് റയലിനായി സ്‌കോര്‍ ചെയ്തത്.

ഇന്റര്‍മിലാന്‍ റയല്‍ സോസിഡാഡിനോട് 1-1 ന് സമനില വഴങ്ങി. സെവിയ്യ-ലെന്‍സ് മല്‍സരവും സമനിലയില്‍ കലാശിച്ചു. സ്‌പോര്‍ട്ടിങ് ബ്രാഗയെ നപ്പോളി 2-1ന് പരാജയപ്പെടുത്തി. ബെന്‍ഫിക്കയെ ആര്‍ബി സാല്‍സ്ബര്‍ഗും പരാജയപ്പെടുത്തി.