യൂറോപ്പാ ലീഗ്; റോമയ്‌ക്കെതിരേ ആറാടി മാഞ്ചസ്റ്റര്‍ യുനൈറ്റഡ്

ഓള്‍ഡ് ട്രാഫോഡ്: റോമയ്‌ക്കെതിരേ ഏഴ് ഗോള്‍ ജയം പ്രവചിച്ച യുനൈറ്റഡ് കോച്ച് സോള്‍ഷ്യറുടെ വാക്ക് വെറുതെ ആയില്ല.യൂറോപ്പാ ലീഗ് സെമി ആദ്യപാദത്തില്‍ ഇറ്റാലിയന്‍ സൈഡ് എ എസ് റോമയെ മാഞ്ചസ്റ്റര്‍ വീഴ്ത്തിയത് 6-2ന്. ജയിക്കാന്‍ രണ്ടാം പാദത്തിലേക്ക് കാത്തുനില്‍ക്കേണ്ട എന്ന പ്രഖ്യാപനവുമായാണ് മാഞ്ചസ്റ്ററിന്റെ ചുണകുട്ടികള്‍ ഇറങ്ങിയത്. സൂപ്പര്‍ താരം ബ്രൂണോ ഫെര്‍ണാണ്ടസ് (9, 71), എഡിസണ്‍ കവാനി (48, 64), പോഗ്‌ബെ (75), ഗ്രീന്‍വുഡ് (86) എന്നിവരാണ് ചുവപ്പ് ചെകുത്താന്‍മാര്‍ക്കായി സ്‌കോര്‍ ചെയ്തത്. രണ്ട് ഗോളിന് കവാനിയും രണ്ട് ഗോളിന് ബ്രൂണോ ഫെര്‍ണാണ്ടസും അസിസ്റ്റ് ഒരുക്കി.

ഇന്ന് നടന്ന രണ്ടാം സെമിയില്‍ സ്പാനിഷ് ക്ലബ്ബ് വിയ്യാറല്‍ ആഴ്‌സണലിനെ 2-1ന് പരാജയപ്പെടുത്തി. ഇതോടെ രണ്ടാം പാദ സെമി ആഴ്‌സണലിന് നിര്‍ണ്ണായകമായി.