ലാലിഗയില്‍ ബാഴ്‌സയ്ക്കും റയല്‍ ബെറ്റിസിനും ജയം

മാഡ്രിഡ്: സ്പാനിഷ് ലീഗില്‍ ബാഴ്‌സ വിജയക്കുതിപ്പ് തുടരുന്നു. 14ാം സ്ഥാനത്തുള്ള ലെഗനീസിനെ ബാഴ്‌സ 3-1ന് തോല്‍പ്പിച്ചു. ഡെംബെലെ(32), ലൂയിസ് സുവാരസ്(71), മെസ്സി(90+2) എന്നിവരാണ് ബാഴ്‌സയ്ക്കായി ഗോള്‍ നേടിയത്. മല്‍സരത്തിന്റെ ആദ്യപകുതിയില്‍ ടീമിനെ പ്രോല്‍സാഹിപ്പിക്കാനായി മെസ്സിയെ കോച്ച് പുറത്തിരുത്തുകയായിരുന്നു. പിന്നീട് കളിച്ച മെസ്സി ബാഴ്‌സയുടെ ഗോള്‍പട്ടിക പൂര്‍ത്തിയാക്കി.

ബാഴ്‌സയുടെ തുടര്‍ച്ചയായ ഏഴാം ജയമാണിത്. ലെഗനീസിനായി ബ്രെയ്ത്ത് വെയ്റ്റാ(57)ണ് വലകുലുക്കിയത്. മറ്റു മല്‍സരങ്ങളില്‍ റയല്‍ ബെറ്റിസ് ജിറോണയെ 3-2നും ലെവന്റെ റയല്‍ വലാഡോലിഡിനെ 2-0 നും തോല്‍പ്പിച്ചു. വിയ്യാറല്‍ അത്‌ലറ്റിക് ബില്‍ബോ മല്‍സരം 1-1ന്റെ സമനിലയില്‍ കലാശിച്ചു. റയോ വാല്‍കാനോറയല്‍ സോസിഡാഡ് മല്‍സരം 2-2ന്റെ സമനിലയിലും അവസാനിച്ചു. ലീഗില്‍ ബാഴ്‌സ 46 പോയിന്റുമായി ഒന്നാം സ്ഥാനത്തും 41 പോയിന്റുമായി അത്‌ലറ്റിക് മാഡ്രിഡ് രണ്ടാം സ്ഥാനത്തുമാണ്. 36 പോയിന്റുമായി റയല്‍ മാഡ്രിഡ് മൂന്നാം സ്ഥാനത്താണ്.