മാര്‍ട്ടിന്‍സ് ഹാട്രിക്കില്‍ അര്‍ജന്റീന; പെറുവിനോട് തോറ്റ് ബ്രസീല്‍
ബ്യൂണസ് ഐറിസ്: മെസ്സി, അഗ്വേറേ, ഡി മരിയ എന്നീ വമ്പന്‍മാര്‍ ഇല്ലാതെ മെക്‌സിക്കോയ്‌ക്കെതിരായി ഇറങ്ങിയ അര്‍ജന്റീനയ്ക്ക് തകര്‍പ്പന്‍ ജയം. ഇന്റര്‍മിലാന്‍ താരം ലൗറ്റാരോ മാര്‍ട്ടിന്‍സിന്റെ ഹാട്രിക്ക് മികവില്‍ മെക്‌സിക്കോയെ എതിരില്ലാത്ത നാല് ഗോളിനാണ് അര്‍ജന്റീന തകര്‍ത്തത്. ഇന്ന് നടന്ന അന്താരാഷ്ട്ര സൗഹൃദ മല്‍സരത്തിലാണ് അര്‍ജന്റീനയുടെ കിടിലന്‍ പെര്‍ഫോമെന്‍സ്. ആദ്യ പകുതിയില്‍ തന്നെ അര്‍ജന്റീന നാല് ഗോളുകളുമായി ജയം ഉറപ്പിച്ചിരുന്നു. 17, 22, 39 മിനിറ്റുകളിലാണ് മാര്‍ട്ടിന്‍സിന്റെ ഗോളുകള്‍. 33ാം മിനിറ്റില്‍ പരെദസ് ആണ് അര്‍ജന്റീനയുടെ മറ്റൊരു ഗോള്‍ നേടിയത്.
മറ്റൊരു മല്‍സരത്തില്‍ ബ്രസീലിനെ എതിരില്ലാത്ത ഒരു ഗോളിന് പെറു തകര്‍ത്തു. തുടര്‍ച്ചയായ ബ്രസീലിന്റെ 17 മല്‍സരങ്ങളുടെ വിജയകുതിപ്പിനാണ് പെറു ഇന്ന് തടയിട്ടത്. 85ാം മിനിറ്റില്‍ അബ്രാം ആണ് പെറുവിന്റെ ഗോള്‍ നേടിയത്. ഗോളി എഡേഴ്‌സണ്‍ന്റെ ഒരു പിഴവാണ് ബ്രസീലിന് വിനയായത്. മല്‍സരത്തില്‍ സൂപ്പര്‍ താരം നെയ്മറെ പുറത്തിരുത്തിയതും ബ്രസീലിന് തിരിച്ചടിയായി.
മറ്റ് മല്‍സരങ്ങളില്‍ ബൊളീവിയയെ ഇക്വഡോര്‍ 3-0ത്തിന് തോല്‍പ്പിച്ചു. കരുത്തരായ ചിലിയെ ഹോണ്ടുറാസ് 2-1ന് തോല്‍പ്പിച്ചു. വമ്പന്‍മാരായ ഉറുഗ്വെയെ അമേരിക്ക 1-1 സമനിലയില്‍ തളച്ചു. കൊളംബിയ-വെനിസ്വേല മല്‍സരം ഗോള്‍രഹിത സമനിലയില്‍ കലാശിച്ചു.
ഡല്‍ഹിയെ ഞെട്ടിച്ച് ദുരഭിമാനക്കൊല; ഇതര ജാതിക്കാരനെ വിവാഹം ചെയ്ത പെണ്‍കുട്ടിയെ വീട്ടുകാര്‍ കൊന്നു
21 Feb 2020 7:44 PM GMTസായുധ സംഘടനകള്‍ക്ക് സാമ്പത്തിക സഹായം; പാകിസ്താന് എഫ്എടിഎഫിന്റെ മുന്നറിയിപ്പ്
21 Feb 2020 7:17 PM GMTനാടകത്തിന് സ്‌കൂള്‍ അധികൃതര്‍ക്കെതിരേ രാജ്യദ്രോഹക്കേസ്: സുപ്രിംകോടതിയില്‍ ഹരജി
21 Feb 2020 6:06 PM GMTശാഹീന്‍ ബാഗ് നൈറ്റ്: ഹൈദരാബാദ് സര്‍വകലാശാല വിദ്യാര്‍ഥികള്‍ക്ക് പിഴ
21 Feb 2020 5:08 PM GMT
