യൂറോയില്‍ ഫ്രാന്‍സിനെ പിടിച്ചുകെട്ടി ഹംഗറി

ബുഗാപെസ്റ്റ്: യൂറോ കപ്പിലെ മരണ ഗ്രൂപ്പില്‍ ലോകചാംപ്യന്‍മാരെ സമനിലയില്‍ പിടിച്ച് ഹംഗറി. ഹംഗറിക്ക് മുന്നില്‍ എളുപ്പം ജയിക്കാമെന്ന് കരുതിയ ഫ്രാന്‍സിനെ 1-1നാണ് അവര്‍ കുരുക്കിയത്. ഫിയോളയാണ് ആദ്യ പകുതി അവസാനിക്കാനിരിക്കെ ഹംഗറിക്കായി സ്‌കോര്‍ ചെയ്തത്. 66ാം മിനിറ്റില്‍ അന്റോണിയാ ഗ്രീസ്മാനാണ് ഫ്രാന്‍സിനെ തോല്‍വിയില്‍ നിന്ന് രക്ഷിച്ചത്. ഗ്രീസ്മാന്റെ ഗോളാണ് ഇന്ന് അവരുടെ രക്ഷയ്‌ക്കെത്തിയത്. മല്‍സരത്തില്‍ ആധിപത്യം ഫ്രാന്‍സിനായിരുന്നെങ്കിലും ഹംഗറി ഗോള്‍കീപ്പറുടെ മികവ് ഫ്രാന്‍സിന് തിരിച്ചടിയാവുകയായിരുന്നു. ഇതോടെ ഗ്രൂപ്പ് എഫിലെ അവസാന റൗണ്ട് പോരാട്ടം നാല് ടീമുകള്‍ക്കും നിര്‍ണ്ണായകമായി.