പ്രായപൂര്‍ത്തിയാകാത്ത പെണ്‍കുട്ടിയുടെ ലൈംഗിക വീഡിയോ ഷെയര്‍ ചെയ്തു; നാല് റയല്‍ താരങ്ങള്‍ അറസ്റ്റില്‍

മാഡ്രിഡ്: പ്രായപൂര്‍ത്തിയാകാത്ത പെണ്‍കുട്ടിയുടെ ലൈംഗിക വീഡിയോ ഷെയര്‍ ചെയ്തതിന് നാല് റയല്‍ മാഡ്രിഡ് താരങ്ങളെ അറസ്റ്റ് ചെയ്തതായി സ്പാനിഷ് പോലിസ് അറിയിച്ചു.കളിക്കാരുടെ മൊബൈല്‍ ഫോണിലെ വിവരങ്ങള്‍ പിടിച്ചെടുത്ത ശേഷം ഇവരെ ചോദ്യം ചെയ്ത് വിട്ടയച്ചു.വീഡിയോയില്‍ പ്രത്യക്ഷപ്പെടുന്ന 16 വയസ്സുള്ള പെണ്‍കുട്ടിയുടെ അമ്മ നല്‍കിയ പരാതിയെ തുടര്‍ന്നാണ് അറസ്റ്റ്.

വ്യാഴാഴ്ച ക്ലബ്ബിന്റെ പരിശീലന സമുച്ചയത്തില്‍ വെച്ചാണ് താരങ്ങളെ അറസ്റ്റ് ചെയ്തത്. വസ്തുതകളെക്കുറിച്ച് വിശദമായ അറിവ് ലഭിച്ചുകഴിഞ്ഞാല്‍ ഉചിതമായ നടപടികള്‍' സ്വീകരിക്കുമെന്ന് ക്ലബ് അറിയിച്ചു. മൂന്ന് കളിക്കാര്‍ റയല്‍ മാഡ്രിഡിന്റെ സി ടീമില്‍ നിന്നുള്ളവരാണ്, നാലാമത്തെ താരം കാസ്റ്റില്ല എന്നറിയപ്പെടുന്ന ക്ലബ്ബിന്റെ ബി ടീമില്‍ നിന്നാണ്.