യുവന്റസിന് താല്‍ക്കാലിക ആശ്വാസം; നപ്പോളിയും മിലാനും നാളെയിറങ്ങും

ടൂറിന്‍: ഇറ്റാലിയന്‍ സീരി എയില്‍ ചാംപ്യന്‍സ് ലീഗ് യോഗ്യത മുന്നില്‍ കണ്ട് ഇന്ററിനെ നേരിട്ട യുവന്റസിന് താല്‍ക്കാലിക ആശ്വാസം.ഇന്ന് നടന്ന മല്‍സരത്തില്‍ ചാംപ്യന്‍മാരെ 3-2ന് യുവന്റസ് വീഴ്ത്തി. താല്‍ക്കാലികമായി നാലാം സ്ഥാനത്തെത്തിയെങ്കിലും ലീഗ് മല്‍സരങ്ങള്‍ പൂര്‍ത്തി ആയാല്‍ മാത്രമേ ബ്ലൂ ലേഡിയുടെ ചാംപ്യന്‍സ് ലീഗ് യോഗ്യത തീരുമാനമാവുള്ളൂ. ഇന്ന് യുവന്റസിനായി ക്രിസ്റ്റിയാനോ റൊണാള്‍ഡോ (24), കൊളംബിയന്‍ താരം യുവാന്‍ കുട്രാഡോ(ഡബിള്‍) എന്നിവരാണ് ഗോള്‍ നേടിയത്. ഇന്ററിനായി ലൂക്കാക്കു ഒരു ഗോള്‍ നേടിയപ്പോള്‍ രണ്ടാം ഗോള്‍ യുവന്റസ് താരത്തിന്റെ സെല്‍ഫ് ഗോളായിരുന്നു.യുവന്റസിന് 75 പോയിന്റാണുള്ളത്.

നാളെ നടക്കുന്ന മല്‍സരങ്ങളില്‍ മൂന്നാം സ്ഥാനത്തുള്ള എസി മിലാന്‍(75) കാഗ്ലിയാരിയെ നേരിടും. അഞ്ചാം സ്ഥാനത്തുള്ള നപ്പോളി(73) ഫിയൊറന്റീനയെയും നേരിടും.