വിന്ഡീസിനെതിരേ ലങ്കയ്ക്ക് 23 റണ്സ് ജയം
ലങ്ക ഉയര്ത്തിയ കൂറ്റന് സ്കോര്(338) പിന്തുടര്ന്ന കരീബിയന്സിന് നിശ്ചിത ഓവറില് ഒമ്പത് വിക്കറ്റ് നഷ്ടത്തില് 315 റണ്സെടുക്കാനേ കഴിഞ്ഞൂള്ളൂ
ഓവല്: വെസ്റ്റ്ഇന്ഡീസിനെതിരേ ലോകകപ്പില് നടന്ന മല്സരത്തില് ശ്രീലങ്കയ്ക്ക് 23 റണ്സ് ജയം. ലങ്ക ഉയര്ത്തിയ കൂറ്റന് സ്കോര്(338) പിന്തുടര്ന്ന കരീബിയന്സിന് നിശ്ചിത ഓവറില് ഒമ്പത് വിക്കറ്റ് നഷ്ടത്തില് 315 റണ്സെടുക്കാനേ കഴിഞ്ഞൂള്ളൂ. തകര്ന്നടിഞ്ഞ വിന്ഡീസിനായി നിക്കോളസ് പൂരന് സെഞ്ചുറിയോടെ പൊരുതിയെങ്കിലും ഭാഗ്യം ലങ്കയ്ക്കൊപ്പമായിരുന്നു. ഫാബിയന് അലന് 51 റണ്സെടുത്ത് പൂരനു മികച്ച കൂട്ട് നല്കി. 118 റണ്സെടുത്ത പൂരനെ ആഞ്ചലോ മാത്യൂസ് പുറത്താക്കിയതോടെ വിന്ഡീസ് പ്രതീക്ഷ അസ്തമിക്കുകയായിരുന്നു. ഗെയ്ല് വിന്ഡീസിനായി 35 റണ്സെടുത്തു. മലിങ്ക ലങ്കയ്ക്കായി മൂന്ന് വിക്കറ്റ് നേടി. വിന്ഡീസ് നേരത്തെ ടൂര്ണമെന്റില് നിന്നു പുറത്തായിരുന്നു. ജയത്തോടെ ലങ്കയ്ക്ക് ഒമ്പത് പോയിന്റായി. ഒരു മല്സരം കൂടി ലങ്കയ്ക്കു ബാക്കിയുണ്ട്. ഈ മല്സരം ജയിച്ചാലും ലങ്കയുടെ സെമി പ്രവേശനം വിദൂരത്താണ്. ടോസ് നേടിയ കരീബിയന്സ് ലങ്കയെ ബാറ്റിങിനയക്കുകയായിരുന്നു. സെഞ്ചുറി നേടിയ ആവിഷ്ക ഫെര്ണാഡോ(104)യുടെയും അര്ദ്ധസെഞ്ചുറി നേടിയ കുശാല് പെരേര(64)യുടെയും ഇന്നിങ്സിന്റെ ബലത്തിലാണ് ലങ്ക 50 ഓവറില് ആറ് വിക്കറ്റ് നഷ്ടത്തില് 338 റണ്സെടുത്തത്.
RELATED STORIES
പെണ്കരുത്തില് പ്രകാശം പരക്കും: ബള്ബ് നിര്മ്മാണ യൂനിറ്റുമായി...
21 Aug 2022 2:23 PM GMTമുലയൂട്ടാം; അമ്മയുടെയും കുഞ്ഞിന്റെയും ആരോഗ്യത്തിനും മനസ്സിനും
8 Aug 2022 5:59 AM GMTമീന്വില്പ്പന 'ത്രീസ്റ്റാര്'; തൊഴില് അഭിമാനമാക്കിയ വനിതകള്
20 July 2022 4:31 PM GMTപെണ്കരുത്തിന്റെ പ്രതീകം; ബൈക്കില് ഒറ്റയ്ക്ക് ഇന്ത്യ ചുറ്റാന് അംബിക
9 April 2022 6:30 AM GMT10 വര്ഷത്തിനിടെ നിര്മിച്ചുനല്കിയത് 160 വീടുകള് ; ...
7 March 2022 4:16 PM GMTഅന്താരാഷ്ട്ര വനിതാ ദിനാചരണം: കേരള വനിതാ കമ്മിഷന്റെ വനിതാ പാര്ലമെന്റ് ...
4 March 2022 1:55 PM GMT