വിജയ് ഹസാരെ; യുപിയും മുംബൈയും സെമിയില്‍

ന്യൂഡല്‍ഹി; വിജയ് ഹസാരെ ട്രോഫിയില്‍ ഉത്തര്‍പ്രദേശും മുംബൈയും സെമിഫൈനലില്‍ പ്രവേശിച്ചു. 46റണ്‍സിന് ഡല്‍ഹിയെ തോല്‍പ്പിച്ചാണ് ഉത്തര്‍പ്രദേശ് സെമിയില്‍ കടന്നത്. ആദ്യം ബാറ്റ് ചെയ്ത ഉത്തര്‍പ്രദേശ് 50 ഓവറില്‍ ഏഴ് വിക്കറ്റ് നഷ്ടത്തില്‍ 280 റണ്‍സ് നേടി. മറുപടി ബാറ്റിങില്‍ 48 ഓവറില്‍ ഡല്‍ഹിക്ക് 234 റണ്‍സ് നേടാനേ കഴിഞ്ഞുള്ളൂ. സൗരാഷ്ട്രയെ ഒമ്പത് വിക്കറ്റിന് തോല്‍പ്പിച്ചാണ് മുംബൈ സെമിയില്‍ പ്രവേശിച്ചത്. സൗരാഷ്ട്ര ഉയര്‍ത്തിയ 284 റണ്‍സ് ലക്ഷ്യം ഒരു വിക്കറ്റ് നഷ്ടത്തില്‍ 41.5 ഓവറില്‍ മുംബൈ സ്വന്തമാക്കി.

യുപിയ്ക്കായി കരണ്‍ ശര്‍മ്മ 83 ഉം ഉപേന്ദ്ര യാദവ് 112 റണ്‍സും നേടി. മുംബൈയ്ക്കായി പൃഥ്വി ഷാ 185 റണസ് നേടി. 123 പന്തില്‍ നിന്നാണ് പൃഥ്വിയുടെ ഇന്നിങ്‌സ്. കഴിഞ്ഞ ദിവസം നടന്ന മല്‍സരത്തില്‍ കേരളത്തെ കര്‍ണ്ണാടക തോല്‍പ്പിച്ച് സെമിയില്‍ കടന്നിരുന്നു.