ട്വന്റി-20 ലോകകപ്പ്; ഇന്ത്യയുടെ ആദ്യ എതിരാളി പാകിസ്ഥാന്‍

ദുബായ്: ഒക്ടോബറില്‍ നടക്കുന്ന ട്വന്റി-20 ലോകകപ്പില്‍ ഇന്ത്യയുടെ ആദ്യ എതിരാളി പാകിസ്ഥാന്‍. ഒക്ടോബര്‍ 24നാണ് ആരാധകര്‍ കാത്തിരുന്ന ക്ലാസ്സിക്ക് പോരാട്ടം. ഇന്നാണ് ഐസിസി ലോകകപ്പ് ഷെഡ്യൂള്‍ പുറത്ത് വിട്ടത്. ഒക്ടോബര്‍ 31ന് നടക്കുന്ന രണ്ടാം മല്‍സരത്തില്‍ ന്യൂസിലന്റാണ് ഇന്ത്യയുടെ എതിരാളി. ദുബായില്‍ വച്ചാണ് മല്‍സരങ്ങള്‍ നടക്കുന്നത്.നവംബര്‍ മൂന്നിന് ഇന്ത്യ അഫ്ഗാനിസ്ഥാനുമായി ഏറ്റുമുട്ടും. സൂപ്പര്‍ 12ലെ അവസാന മല്‍സരം നവംബര്‍ എട്ടിനാണ്. യോഗ്യതാ റൗണ്ടിലെ ഒന്നാം സ്ഥാനക്കാരുമായാണ് ഈ മല്‍സരം.