വിരമിക്കല്‍ പ്രഖ്യാപിച്ച് ശ്രീശാന്ത്

മുംബൈ: മലയാളി ക്രിക്കറ്റ് താരം എസ് ശ്രീശാന്ത് സജീവ ക്രിക്കറ്റില്‍ നിന്നും വിരമിച്ചു. ട്വിറ്ററിലൂടെയാണ് 39 കാരനായ ശ്രീശാന്ത് വിരമിക്കല്‍ പ്രഖ്യാപിച്ചത്. പുതുതലമുറയ്ക്ക് വേണ്ടി ക്രിക്കറ്റില്‍ നിന്നും വിരമിക്കുകയാണെന്ന് താരം അറിയിച്ചു. ഇപ്പോള്‍ നടക്കുന്ന രഞ്ജി ട്രോഫി ക്രിക്കറ്റില്‍ കേരളാ ടീമില്‍ സ്ഥാനം ലഭിച്ചിരുന്നു. എന്നാല്‍ പരിക്കിനെ തുടര്‍ന്ന് പിന്‍മാറുകയായിരുന്നു.ഫാസ്റ്റ് ബൗളറായ ശ്രീശാന്ത് ഇന്ത്യയ്‌ക്കൊപ്പം രണ്ട് ലോകകപ്പ് നേടിയിട്ടുണ്ട്.27 ടെസ്റ്റില്‍ നിന്ന് 87 വിക്കറ്റും 53 ഏകദിനങ്ങളില്‍ നിന്ന് 75 വിക്കറ്റും നേടിയിട്ടുണ്ട്.2011ലാണ് ഇന്ത്യയ്ക്കായി അവസാനമായി കളിച്ചത്. 2013ലെ ഐപിഎല്‍ വാതുവയ്പ്പുമായി അറസ്റ്റിലായതിനെ തുടര്‍ന്ന് താരത്തിന്റെ കരിയര്‍ നിലയ്ക്കുകയായിരുന്നു.