ട്വന്റി-20 ലോകകപ്പില്‍ ബംഗ്ലാദേശ് കറുത്ത കുതിരകളാവും: ഷാഖിബുള്‍ ഹസ്സന്‍

ധക്ക: ഒക്ടോബറില്‍ ആരംഭിക്കുന്ന ട്വന്റി -20 ലോകകപ്പില്‍ എഴുതള്ളാനാവാത്ത ശക്തികളായ ബംഗ്ലാദേശും മുന്നിലുണ്ടാവുമെന്ന് ഓള്‍ റൗണ്ടര്‍ ഷാഖിബുള്‍ ഹസ്സന്‍. നിലവിലെ ഫോം തുടര്‍ന്നാല്‍ കപ്പടിക്കാന്‍ സാധ്യത ഞങ്ങള്‍ക്കാണെന്നും താരം വ്യക്തമാക്കി. ടീം ഒന്നടങ്കം മികച്ച ആത്മവിശ്വാസത്തിലാണ്.അടുത്തിടെ സിംബാബ്‌വെ, ഓസ്‌ട്രേലിയ, ന്യൂസിലന്റ് എന്നിവര്‍ക്കെതിരായ ട്വന്റി-20 പരമ്പരകള്‍ ബംഗ്ലാദേശ് നേടിയിരുന്നു. ഇത് ടീമിന്റെ ആത്മവിശ്വാസം വര്‍ദ്ധിപ്പിച്ചിട്ടുണ്ട്. ഏത് ടീമിനെയും വകവരുത്താനുള്ള പ്രാപ്തി ടീമിനുണ്ടെന്നും മുന്‍ ക്യാപ്റ്റന്‍ അറിയിച്ചു. ഗ്രൂപ്പ് ബിയില്‍ സ്‌കോട്ട്‌ലന്റ്, പപ്പുവാ ഗുനിയാ, ഒമാന്‍ എന്നിവര്‍ക്കൊപ്പമാണ് ബംഗ്ലാദേശ്.