പോപ്പുലര്‍ ടീം; ട്വിറ്ററില്‍ റൊണാള്‍ഡോയുടെ അല്‍ നസറിനെ വീഴ്ത്തി സിഎസ്‌കെ ഒന്നില്‍

ചെന്നൈ: ഏഷ്യയില്‍ ട്വിറ്ററിലെ ഏറ്റവും പോപ്പുലര്‍ ടീം എന്ന സ്ഥാനം ഇന്ത്യന്‍ പ്രീമിയര്‍ ലീഗ് ക്ലബ്ബ് ചെന്നൈ സൂപ്പര്‍ കിങ്‌സിന്. സൗദിയിലെ ഒന്നാം നമ്പര്‍ ടീമും ക്രിസ്റ്റ്യാനോ റൊണാള്‍ഡോയുടെ വരവോടെ ലോക ശ്രദ്ധ പിടിച്ചുപറ്റുകയും ചെയ്ത അല്‍ നസറിനെ പിന്നിലാക്കിയാണ് എംഎസ് ധോണി നയിക്കുന്ന സിഎസ്‌കെ ഒന്നാമതെത്തിയത്. ഒന്നാം സ്ഥാനത്തുള്ള സിഎസ്‌കെയ്ക്ക് 512 മില്ല്യണ്‍ ഇന്റര്‍ആക്ഷന്‍സാണുള്ളത്. അല്‍ നസറിനാവട്ടെ 500 മില്ല്യണേ ഉള്ളൂ.മൂന്നാം സ്ഥാനത്ത് മറ്റൊരു ഐപിഎല്‍ ടീമായ റോയല്‍ ചാലഞ്ചേഴ്‌സ് ബാംഗ്ലൂരാണ്.നാലാം സ്ഥാനത്ത് മുംബൈ ഇന്ത്യന്‍സും അഞ്ചാം സ്ഥാനത്ത് സൗദി പ്രോ ലീഗിലെ മറ്റൊരു ക്ലബ്ബായ അല്‍ഹിലാലുമാണ്.