വിജയകുതിപ്പ് തുടരാന്‍ ആര്‍ സി ബി; ആദ്യ ജയം തേടി സണ്‍റൈസേഴ്‌സ്

ചെന്നൈ: ഇന്ത്യന്‍ പ്രീമിയര്‍ ലീഗില്‍ റോയല്‍ ചാലഞ്ചേഴ്‌സ് ബാംഗ്ലൂര്‍ ഇന്ന് സണ്‍റൈസേഴ്‌സ് ഹൈദരാബാദിനെ നേരിടും. ആദ്യ മല്‍സരത്തില്‍ ചാംപ്യന്‍മാരെ തോല്‍പ്പിച്ച ആത്മവിശ്വാസത്തില്‍ ബാംഗ്ലൂര്‍ ഇറങ്ങിമ്പോള്‍ ലീഗിലെ കന്നി ജയം തേടിയാണ് ഹൈദരാബാദിന്റെ വരവ്. ആദ്യ മല്‍സരത്തില്‍ അവര്‍ കൊല്‍ക്കത്താ നൈറ്റ് റൈഡേഴ്‌സിനോട് തോറ്റിരുന്നു. ശക്തമായ ബാറ്റിങ് നിരയുമായി ബാംഗ്ലൂര്‍ വരുമ്പോള്‍ ബൗളിങ് കരുത്തിലാണ് ഹൈദരാബാദിന്റെ വരവ്. മലയാളി താരം മുഹമ്മദ് അസ്ഹറുദ്ദീന്‍, ദേവ്ദത്ത് പടിക്കല്‍, ഓസിസ് സ്പിന്നര്‍ ആദം സാമ്പ എന്നിവര്‍ ഇന്നത്തെ മല്‍സരത്തില്‍ ആര്‍സിബിക്കായി അണിനിരനേക്കും. വാര്‍ണര്‍, ബെയര്‍‌സ്റ്റോ, മനീഷ് പാണ്ഡെ എന്നിവര്‍ സണ്‍റൈസേഴ്‌സിനായി ഇന്ന് ഫോം വീണ്ടെടുക്കാമെന്ന പ്രതീക്ഷയിലാണ്. റാഷിദ് ഖാന്‍, മുഹമ്മദ് നബി എന്നിവര്‍ ഹൈദരാബാദ് ബൗളിങ് നിരയില്‍ തിളങ്ങിയേക്കും.