താരങ്ങള്‍ പരസ്പരം കാണില്ല; കടുത്ത ക്വാറന്റീനുമായി സതാംടണില്‍ ഇന്ത്യ

സതാംടണ്‍; ജൂണ്‍ 18ന് ആരംഭിക്കുന്ന ലോക ടെസ്റ്റ് ചാംപ്യന്‍ഷിപ്പിന് മുന്നോടിയായി ഇന്ത്യന്‍ ടീമിന് കടുത്ത ക്വാറന്റീന്‍. ബുനധാഴ്ച സതാംടണില്‍ എത്തിയ ടീം ഇന്ത്യ രണ്ട് ദിവസം പുറത്തിറങ്ങിയിട്ടില്ല. തുടര്‍ന്നുള്ള മൂന്ന് ദിവസം ഇന്ത്യയ്ക്ക് ക്വാറന്റീനാണ്. താരങ്ങള്‍ പരസ്പരം കാണാതെയുള്ള ക്വാറന്റീനാണ്. താരങ്ങള്‍ പ്രതേക്യ റൂമില്‍ കഴിയണം. തുടര്‍ന്ന് കൊവിഡ് ടെസ്റ്റ് നടത്തും. എല്ലാവരും നെഗറ്റീവാണെങ്കില്‍ പരിശീലനം തുടരും. മുംബൈയില്‍ 14 ദിവസത്തെ ക്വാറന്റീന്‍ കഴിഞ്ഞാണ് ടീം ഇംഗ്ലണ്ടിലെത്തിയത്. ഐപിഎല്ലിന് ശേഷമെത്തുന്ന ഇന്ത്യക്ക് കാര്യമായ പരിശീലന മല്‍സരം ലഭിച്ചിരുന്നില്ല. എന്നാല്‍ ടെസ്റ്റ് ചാംപ്യന്‍ഷിപ്പിലെ എതിരാളികളായ ന്യുസിലന്റ് ഇംഗ്ലണ്ടിനെതിരേ ടെസ്റ്റ് പരമ്പരയില്‍ കളിക്കുന്നുണ്ട്. ഈ പരമ്പരയ്ക്ക് ശേഷമാണ് ചാംപ്യന്‍ഷിപ്പ്.