ശ്രീലങ്കയ്‌ക്കെതിരായ ആദ്യ ട്വന്റി-20; സഞ്ജു ടീമില്‍; ദീപക്ക് ഹൂഡയ്ക്ക് അരങ്ങേറ്റം

ലഖ്‌നൗ: ശ്രീലങ്കയ്‌ക്കെതിരായ ആദ്യ ട്വന്റി-20 പ്ലേയിങ് ഇലവനില്‍ ഇടം നേടി മലയാളി താരം സഞ്ജു സാംസണ്‍.മറ്റൊരു താരമായ ദീപക് ഹൂഡ ആദ്യമായി ഇന്ത്യന്‍ ട്വന്റി ടീമില്‍ ഇടം നേടി. ഇന്ത്യയ്‌ക്കെതിരേ ടോസ് നേടിയ ലങ്ക ഇന്ത്യയെ ബാറ്റിങിനയച്ചു.രോഹിത് ശര്‍മ്മയും ഇഷാന്‍ കിഷനുമാണ് ഇന്ത്യയ്ക്കായി ഓപ്പണ്‍ ചെയ്യുന്നത്. ലഖ്‌നൗവിലാണ് ആദ്യ ട്വന്റി മല്‍സരം നടക്കുന്നത്. നീണ്ട ഇടവേളയ്ക്ക് ശേഷം ഇന്ത്യയുടെ ട്വന്റി ടീമില്‍ ഇടം നേടിയ സഞ്ജു സാംസണ്‍ മികവ് പ്രകടിപ്പിച്ചാല്‍ താരത്തെ ഈ വര്‍ഷത്തെ ട്വന്റി-20 ലോകകപ്പിലേക്ക് പരിഗണിക്കുമെന്ന് ക്യാപ്റ്റന്‍ രോഹിത്ത് ശര്‍മ്മയും ബിസിസിഐയും അറിയിച്ചിരുന്നു.