ന്യൂസിലന്റ്-ബംഗ്ലാദേശ് രണ്ടാം ട്വന്റി നാളെ; ആദ്യ തോല്‍വിക്ക് പകരം വീട്ടാന്‍ കിവികള്‍

മിറാപൂര്‍: ന്യൂസിലന്റിനെതിരായ ട്വന്റി പരമ്പരയിലെ രണ്ടാം മല്‍സരം നാളെ നടക്കും. കഴിഞ്ഞ ദിവസം നടന്ന ആദ്യ ട്വന്റിയില്‍ സന്ദര്‍ശകര്‍ റെക്കോഡ് തോല്‍വി ഏറ്റുവാങ്ങിയിരുന്നു. ആദ്യം ബാറ്റ് ചെയ്ത കിവികളെ 16.5 ഓവറില്‍ ബംഗ്ലാദേശ് പുറത്താക്കി. വെറും 60 റണ്‍സാണ് ന്യസിലന്റ് നേടിയത്. മറുപടി ബാറ്റിങില്‍ 15 ഓവറില്‍ മൂന്ന് വിക്കറ്റ് നഷ്ടത്തില്‍ ബംഗ്ലാദേശ് 62 റണ്‍സെടുത്ത് ജയം കൈപിടിയിലൊതുക്കി. ന്യൂസിലന്റിനെതിരായ ബംഗ്ലാദേശിന്റെ ട്വന്റിയിലെ ആദ്യ ജയമാണിത്. 2014ല്‍ ശ്രീലങ്കയ്‌ക്കെതിരേയും ന്യൂസിലന്റ് 60 റണ്‍സിന് പുറത്തായിരുന്നു.