നാസും അഹമ്മദിന്റെ സ്പിന്‍ മാജിക്ക്; ഓസിസിനെതിരേ ബംഗ്ലാദേശിന് ചരിത്ര ജയം

ധക്ക: ഓസ്‌ട്രേലിയക്കെതിരേ ചരിത്രത്തിലെ ആദ്യ ട്വന്റി-20 ജയം കരസ്ഥമാക്കി ബംഗ്ലാദേശ്. അഞ്ച് മല്‍സരങ്ങളടങ്ങിയ പരമ്പരയിലെ ആദ്യ മല്‍സരത്തില്‍ 23 റണ്‍സിനാണ് ആതിഥേയരുടെ ജയം. നാല് വിക്കറ്റ് നേടിയ നാസും അഹമ്മദിന്റെ സ്പിന്‍ മാജിക്കാണ് ബംഗ്ലാ കടുവകള്‍ക്ക് ജയമൊരുക്കിയത്. ബംഗ്ലാദേശ് ഉയര്‍ത്തിയ 131 റണ്‍സിന് മറുപടിയായി ഓസിസിന് 108 റണ്‍സെ നേടാനായുള്ളൂ. 20 ഓവറില്‍ അവര്‍ പുറത്തായി. നേരത്തെ ഏഴ് വിക്കറ്റ് നഷ്ടത്തിലാണ് ബംഗ്ലാദേശ് 131 റണ്‍സ് നേടിയത്. ബംഗ്ലാദേശിനെതിരായി ട്വന്റിയില്‍ ഏറ്റവും കുറഞ്ഞ സ്‌കോറാണ് ഓസിസ് ഇന്ന് നേടിയത്.