കുവൈത്തില്‍ രണ്ട് മലയാളികള്‍ കുഴഞ്ഞ് വീണ് മരിച്ചു

കുവൈത്ത് സിറ്റി: കുവൈത്തില്‍ രണ്ട് മലയാളികള്‍ കുഴഞ്ഞ് വീണ് മരിച്ചു. തിരുവനന്തപുരം സ്വദേശി അലിസണ്‍, കാസര്‍കോട് തൃക്കരിപ്പൂര്‍ സ്വദേശി രാജന്‍ എന്നിവരാണ് മരിച്ചത്.

റിയല്‍ എസ്‌റ്റേറ്റ് ഏജന്റായിരുന്ന തിരുവനന്തപുരം ജഗതി മ്യൂസിയം പുത്തന്‍വീട് അലിസണ്‍ (65) മഹബൂലയിലെ താമസ സ്ഥലത്ത് കുഴഞ്ഞുവീഴുകയായിരുന്നു. പിതാവ്: മാധവന്‍. മാതാവ്: രാജമ്മ. ഭാര്യ: ശ്രീകുമാരി. മൂന്ന് മക്കളുണ്ട്. മൃതദേഹം കുവൈത്തില്‍ സംസ്‌കരിക്കും.

കാസര്‍കോട് തൃക്കരിപ്പൂര്‍ എടയിലക്കാട് സ്വദേശി മുണ്ടയില്‍ രാജന്‍ (48) അബ്ബാസിയയില്‍ താമസസ്ഥലത്ത് കുഴഞ്ഞു വീണാണ് മരിച്ചത്.