ഐഎസ്എഫ് മാസ്സ് പെറ്റിഷൻ പ്രമുഖരുടെ പങ്കാളിത്തത്തോടെ ശ്രദ്ധേയമാകുന്നു
കൊവിഡ് മൂലം മരണപ്പെട്ട പ്രവാസികളുടെ കുടുംബങ്ങളെ സർക്കാർ ഏറ്റെടുക്കുക എന്നാവശ്യപ്പെട്ടു കൊണ്ടാണ് കാംപയിൻ
മനാമ: ഇന്ത്യൻ സോഷ്യൽ ഫോറം മാസ്സ് പെറ്റിഷൻ പ്രമുഖരുടെ പങ്കാളിത്തത്തോടെ ശ്രദ്ധേയമാകുന്നു. കൊവിഡ് മൂലം മരണപ്പെട്ട പ്രവാസികളുടെ കുടുംബങ്ങളെ സർക്കാർ ഏറ്റെടുക്കുക എന്നാവശ്യപ്പെട്ടു കൊണ്ടാണ് ഐഎസ്എഫ് മുഖ്യമന്ത്രിക്ക് മാസ് പെറ്റീഷൻ അയക്കുന്നത്.
ബഹ്‌റൈനിലെ ക്യാൻസർ കെയർ സൊസൈറ്റി ചെയർമാനും പ്രമുഖ ജീവകാരുണ്യ പ്രവർത്തകനുമായ ഡോ. ചെറിയാൻ, പ്രമുഖ മാധ്യമ പ്രവർത്തകനും സാമൂഹിക പ്രവർത്തകനുമായ സോമൻ ബേബി, സാമൂഹിക രംഗത്തെ ശക്തമായ സാനിധ്യമായ ഫ്രാൻസിസ് കൈതാരത്ത് എന്നിവർ ഇന്ത്യൻ സോഷ്യൽ ഫോറത്തിന്റെ ഈ ശ്രമത്തിന് ആശംസ അറിയിക്കുകയും പെറ്റീഷൻ ഒപ്പുവച്ചുകൊണ്ട് പങ്കാളിയാവുകയും ചെയ്തു.
കൊവിഡ് മൂലം മരണപെട്ട പ്രവാസികളുടെ കുടുംബങ്ങൾക്ക് ഉടൻ ധനസഹായം നൽകുക, അവരുടെ കുട്ടികളുടെ ഉന്നത വിദ്യാഭ്യാസം വരെയുള്ള പഠന ചിലവ് സർക്കാർ വഹിക്കുക, അവരുടെ കുടുംബത്തിൽ ഒരാൾക്കു സർക്കാർ ജോലി നൽകുക എന്നീ പ്രധാന ആവശ്യങ്ങളാണ് പെറ്റീഷനിൽ ഉന്നയിച്ചിരിക്കുന്നത്.
ഈ പരാതിയിൽ ഒപ്പുവച്ചുകൊണ്ട് പ്രവാസികളുടെ ന്യായമായ ആവശ്യം അധികാരികളുടെ ശ്രദ്ധയിൽ കൊണ്ടുവരാനുള്ള ഈ ഉദ്യമത്തിൽ എല്ലാവരും പങ്കാളികളാകണമെന്ന് ഇന്ത്യൻ സോഷ്യൽ ഫോറം കേരള ഘടകം പ്രസിഡന്റ്‌ അലി അക്ബറും ജനറൽ സെക്രട്ടറി റഫീഖ് അബ്ബാസും അഭ്യർത്ഥിച്ചു
