യുഎഇ കൊറോണ വിമുക്തം. ആരോഗ്യ മന്ത്രാലയം

ദുബയ്: ചൈനയിലും മറ്റു രാജ്യങ്ങളിലും മറ്റു പടര്‍ന്ന് കൊണ്ടിരിക്കുന്ന മാരകമായ കൊറോണ വൈറസ് ഒരു കേസ് പോലും റിപ്പോര്‍ട്ട് ചെയ്യപ്പെട്ടിട്ടില്ലെന്നും യുഎഇ കൊറോണ വൈറസ് മുക്തമാണന്നും യുഎഇ ആരോഗ്യ മന്ത്രാലയം വാര്‍ത്താ കുറിപ്പില്‍ അറിയിച്ചു. ഇത്തരം മാരകമായ രോഗങ്ങളെ കൈകാര്യം ചെയ്യാന്‍ യുഎഇ സുശക്തമാണന്നും വാര്‍ത്താ കുറിപ്പില്‍ വ്യക്തമാക്കുന്നു. കൊറോണ വൈറസുമായി ബന്ധപ്പെട്ട് യുഎഇ ആരോഗ്യ മന്ത്രാലയം ദുബയ് ഹെല്‍ത്ത് അഥോറിറ്റി, അബുദബി ആരോഗ്യ വകുപ്പ്, ദേശീയ ദുരന്ത നിവാരണ അഥോറിറ്റി എന്നീ വകുപ്പുകളിലെ ഉന്നത ഉദ്യോഗസ്ഥരുമായി ഇക്കാര്യം ചര്‍ച്ച നടത്തിയിട്ടുണ്ട്. ഇത്തരം രോഗ ലക്ഷണങ്ങളുമായി എത്തുന്ന യാത്രക്കാരെ കണ്ടെത്താനായി വിമാനത്താവളങ്ങളിലും തുറമുഖങ്ങളിലും നിര്‍ദ്ദേശം നല്‍കിയിട്ടുണ്ട്. ഇക്കാര്യത്തില്‍ ലോകാരോഗ്യ സംഘടന നല്‍കുന്ന ഏറ്റവും പുതിയ നിര്‍ദ്ദശങ്ങള്‍ പാലിച്ച് കൊണ്ടാണ് മുന്‍കരുതല്‍ നടപടികള്‍ സ്വീകരിക്കുന്നത്.