Top

ഒമാനിലെ ബുറൈമിയില്‍ വാഹനാപകടത്തില്‍ നാലുമരണം

മസ്‌കത്ത് കേന്ദ്രമായി പ്രവര്‍ത്തിക്കുന്ന കമ്പനിയുടെ ബുറൈമി അല്‍ഫേയിലെ നാലുജീവനക്കാരാണ് മരിച്ചത്.

ഒമാനിലെ ബുറൈമിയില്‍ വാഹനാപകടത്തില്‍ നാലുമരണം
X

മസ്‌കത്ത്: ഒമാനിലെ ബുറൈമിയില്‍ വാഹനങ്ങള്‍ തമ്മില്‍ കൂട്ടിയിടിച്ച് നാലുപേര്‍ മരിച്ചു. മസ്‌കത്ത് കേന്ദ്രമായി പ്രവര്‍ത്തിക്കുന്ന കമ്പനിയുടെ ബുറൈമി അല്‍ഫേയിലെ നാലുജീവനക്കാരാണ് മരിച്ചത്. മരണപ്പെട്ടവര്‍ പാകിസ്ഥാനി സ്വദേശികളാണെന്നാണ് വിവരം. ഇന്നലെ വൈകീട്ടോടെ നിസ്സാന്‍ കാറും പജീറോ വാഹനവും തമ്മിലാണ് കൂട്ടിയിടിച്ചത്.

ദിശമാറി സഞ്ചരിച്ച നിസ്സാന്‍ കാര്‍ പജീറോയുമായി കൂട്ടിയിടിക്കുകയും വാഹനത്തിലുള്ളവരില്‍ നാലുപേര്‍ മരണപ്പെടുകയുമായിരുന്നു. നാലുപേര്‍ സഞ്ചരിക്കേണ്ട വാഹനത്തില്‍ ഏഴുപേരാണ് യാത്രചെയ്തിരുന്നത്. യാത്രക്കാരില്‍ ഒരു ഇന്ത്യക്കാരനും ഉള്‍പ്പെടുന്നു. ഇദ്ദേഹത്തെയും മറ്റ് രണ്ടുപേരെയും ഗുരുതരമായ പരിക്കുകളോടെ ആശുപത്രിയില്‍ പ്രവേശിപ്പിച്ചു.

Next Story

RELATED STORIES

Share it