മലബാര്‍ സമര രക്തസാക്ഷികളുടെ പേരു വെട്ടി മാറ്റിയത് ധിക്കാര നടപടി: കേരള പ്രവാസി ഫോറം അജ്മാന്‍

അജ്മാന്‍: സ്വാതന്ത്ര്യ സമര രക്തസാക്ഷികളുടെ പട്ടികയില്‍ നിന്ന് മലബാര്‍ സമര രക്തസാക്ഷികളുടെ പേരു വെട്ടി മാറ്റിയത് കേന്ദ്ര സര്‍ക്കാറിന്റെ ധിക്കാര നടപടിയാണെന്നും ഇന്ത്യന്‍ ജനതയോടുള്ള വെല്ലുവിളിയാണെന്നും ഇത് അപലപിക്കപ്പെടേണ്ടതാണെന്നും കേരള പ്രവാസി ഫോറം അജ്മാന്‍.

ഇന്ത്യന്‍ സ്വാതന്ത്ര്യ സമരപോരാളികളോട് ബ്രിട്ടീഷുകാര്‍ കാണിച്ച ക്രൂരതകള്‍ തന്നെയാണു ഇന്ന് ആ സമരനായകരോട് കേന്ദ്ര സര്‍ക്കാരും കാണിക്കുന്നത്. ബ്രിട്ടീഷ്‌കാര്‍ക്ക് മാപ്പ് എഴുതികൊടുത്ത സവര്‍ക്കറേയും ബ്രിട്ടീഷുകാരുടെ വെടിയുണ്ടകളെ നെഞ്ചിലേറ്റിയ മലബാര്‍ സമര നായകരേയും ഇന്ത്യന്‍ ജനത ഒരിക്കലും മറക്കരുത് എന്ന് ഓര്‍മ്മിപ്പിക്കുകയാണു.

അബൂബക്കര്‍ പോത്തന്നൂര്‍, ഫൈസല്‍ ചാവക്കാട്, മുഹമ്മദ് അലി കട്ടയില്‍, ഫൈസല്‍ തിരുവനന്തപുരം സംസാരിച്ചു.