ഏറ്റുമാനൂര്‍ സ്വദേശിനി ജിദ്ദയില്‍ മരണപ്പെട്ടു

ജിദ്ദ: കോട്ടയം ഏറ്റുമാനൂര്‍ സ്വദേശിനി നൂര്‍ജഹാന്‍ (72) ജിദ്ദയില്‍ മരണപ്പെട്ടു. എര്‍ണാകുളം വിവ ട്രാവല്‍സിന് കീഴില്‍ ഉംറക്കെത്തിയതായിരുന്നു നൂര്‍ജഹാന്‍. മടങ്ങും വഴി ജിദ്ദ വിമാനത്താവളത്തില്‍ നിന്ന് ബോഡിങ് പാസ്സ് എടുത്ത ശേഷം കഠിനമായ ദേഹ അസ്വസ്തയെ തുടര്‍ന്ന് അബ്ഹൂര്‍ കിങ് അബ്ദുല്‍ അസീസ് മെഡിക്കല്‍ സെന്ററില്‍ പ്രവേശിപ്പിക്കുകയായിരുന്നു. രണ്ട് ആഴ്ച ചികില്‍ത്സയില്‍ ആയിരുന്ന ഇവര്‍ക്ക് എല്ലാ സഹായവും നല്‍കിയിരുന്നത് ഇന്ത്യന്‍ സോഷ്യല്‍ ഫോറം പ്രവര്‍ത്തകരായിരുന്നു. നൂര്‍ജഹാന്റെ ഭര്‍ത്താവ് നേരത്തെ മരണപ്പെട്ടിരുന്നു. കുട്ടികളില്ല. നിയമ നടപടികള്‍ പൂര്‍ത്തിയാക്കി ജിദ്ദയില്‍ ഖബറടക്കുമെന്ന് ഇന്ത്യന്‍ സോഷ്യല്‍ ഫോറം പ്രവര്‍ത്തകരായ മസ്ഹൂദ് തിരുവനന്തപുരം മജീദ് മഞ്ചേരി കുഞ്ഞായീന്‍കുട്ടി കൊടുവള്ളി എന്നിവര്‍ അറിയിച്ചു.