Gulf

മലയാളി യുവാവ് ഹൃദയാഘാതം മൂലം ഒമാനില്‍ മരിച്ചു

പത്തനംതിട്ട, പന്തളം കടയ്ക്കാട് സ്വദേശി മുബാഷിര്‍ മുഹമ്മദ് (35) ആണ് മസ്‌കത്തിലെ വാദികബീറില്‍ മരിച്ചത്.

മലയാളി യുവാവ് ഹൃദയാഘാതം മൂലം ഒമാനില്‍ മരിച്ചു
X

മസ്‌കത്ത്: മലയാളി യുവാവ് ഹൃദയാഘാതം മൂലം ഒമാനില്‍ മരിച്ചു.പത്തനംതിട്ട, പന്തളം കടയ്ക്കാട് സ്വദേശി മുബാഷിര്‍ മുഹമ്മദ് (35) ആണ് മസ്‌കത്തിലെ വാദികബീറില്‍ മരിച്ചത്. ഒമാനിലെ പ്രമുഖ ബിസിനസ് ഗ്രൂപ്പായ ടവല്‍ കമ്പനിയിലെ ജീവനക്കാരനായിരുന്നു.

പത്തനംതിട്ട പന്തളം കടക്കാട് മുബഷിര്‍ മന്‍സിലില്‍ മുഹമ്മദ് റാവുത്തര്‍ - മന്‍സൂറ ബീവി എന്നിവരുടെ മകനാണ്. ഭാര്യ: മിന്നു മുബഷിര്‍. മകള്‍: ഫാത്തിമ മുബഷിര്‍. സഹോദരി: മുംതാസ്. കുടുംബവുമൊത്ത് വാദികബീറിലാണ് താമസം.

റൂവി കൗള ആശുപത്രി മോര്‍ച്ചറിയില്‍ സൂക്ഷിച്ച ഭൗതിക ശരീരം കൊവിഡ് പരിശോധനക്ക് ശേഷം നെഗറ്റീവ് ആണെങ്കില്‍ നാട്ടിലേക്ക് കൊണ്ടുപോവാനുള്ള നടപടിക്രമങ്ങള്‍ പുരോഗമിക്കുന്നു.മയ്യത്ത് പന്തളം കടക്കാട് മുസ്‌ലിം ജുമാമസ്ജിദ് ഖബര്‍സ്ഥാനില്‍ ഖബറടക്കും.

Next Story

RELATED STORIES

Share it