കുവൈത്ത്:ഡ്രൈവിങ് ലൈസന്സ് രണ്ടു മാസത്തിനകം ഓണ്ലൈന് വഴി
രണ്ടു മാസത്തിനുള്ളില് സ്വദേശികളുടെ ഡ്രൈവിങ് ലൈസന്സ് വിതരണം ഓണ്ലൈന് സംവിധാനത്തിലേക്ക് മാറ്റും. വിദേശികളുടെ ലൈസന്സ് വിതരണം തല്ക്കാലം നിലവിലെ രീതിയില് തുടരുമെന്നും അധികൃതര് വ്യക്തമാക്കി.
![കുവൈത്ത്:ഡ്രൈവിങ് ലൈസന്സ് രണ്ടു മാസത്തിനകം ഓണ്ലൈന് വഴി കുവൈത്ത്:ഡ്രൈവിങ് ലൈസന്സ് രണ്ടു മാസത്തിനകം ഓണ്ലൈന് വഴി](https://www.thejasnews.com/h-upload/2019/01/26/driving-license.jpg)
കുവൈത്ത്: കുവൈത്തില് ഡ്രൈവിങ് ലൈസന്സ് വിതരണം ഓണ്ലൈന് വഴിയാക്കുന്നതിനുള്ള ഒരുക്കങ്ങള് പൂര്ത്തിയായതായി ആഭ്യന്തര മന്ത്രാലയം അറിയിച്ചു. രണ്ടു മാസത്തിനുള്ളില് സ്വദേശികളുടെ ഡ്രൈവിങ് ലൈസന്സ് വിതരണം ഓണ്ലൈന് സംവിധാനത്തിലേക്ക് മാറ്റും. വിദേശികളുടെ ലൈസന്സ് വിതരണം തല്ക്കാലം നിലവിലെ രീതിയില് തുടരുമെന്നും അധികൃതര് വ്യക്തമാക്കി.
സിവില് ഐഡി കാര്ഡ് വിതരണത്തിന് സിവില് ഇന്ഫര്മേഷന് അതോറിറ്റി നടപ്പാക്കിയ സംവിധാനത്തിന് സമാനമായാകും ഓണ്ലൈന് വഴിയുള്ള ലൈസന്സ് വിതരണവും. ഏഥന്സ് ആസ്ഥാനമായ കമ്പനിയാണ് ആവശ്യമായ സാങ്കേതികത ലഭ്യമാക്കുന്നത്.
സെല്ഫ് സര്വിസ് കിയോസ്കുകള് വഴി ഉപയോക്താക്കള്ക്ക്ഡ്രൈവിങ് ലൈസന്സ് ലഭ്യമാക്കുന്ന ഓട്ടോമേറ്റഡ് സംവിധാനമാണ് നിലവില് വരുന്നത്. ലൈസന്സ് അപേക്ഷകള് സ്വീകരിക്കുന്നതിന് ആഭ്യന്തര മന്ത്രാലയം ഇലക്ട്രോണിക് വിന്ഡോ ഏര്പ്പെടുത്തും. 15 സെല്ഫ് സര്വിസ് കിയോസ്കുകള് രാജ്യത്തിന്റെ വിവിധ ഭാഗങ്ങളില് സ്ഥാപിച്ചാണ് പദ്ധതി നടപ്പാക്കുന്നത്. ലൈസന്സ് വിതരണം, പുതുക്കല്, കേടുവന്നതോ നഷ്ടപ്പെട്ടതോ ആയ ലൈസന്സുകള്ക്ക് പകരം വാങ്ങിക്കല് എന്നിവയെല്ലാം കിയോസ്കുകള് വഴി സാധിക്കും. പുതിയ സംവിധാനത്തിലേക്കു മാറുന്നതോടെ ലൈസന്സ് കാര്ഡുകള് കൂടുതല് സാങ്കേതികത്തികവും അന്താരാഷ്ട്ര നിലവാരമുള്ളതുമായി മാറും. പദ്ധതി നടത്തിപ്പിന്റെ മേല്നോട്ടത്തിനായി വിദഗ്ധ സമിതിയെ ചുമതലപ്പെടുത്തിയിട്ടുണ്ട്.
RELATED STORIES
പാരിസ് ഒളിംപിക്സ് 2024; ഹോക്കിയില് ഇന്ത്യ ഇന്നിറങ്ങും; എതിരാളികള്...
27 July 2024 9:54 AM GMT3 ജില്ലകളിൽ നാളെ ഓറഞ്ച് അലർട്ട്, അതിശക്തമായ മഴയ്ക്ക് സാധ്യതയെന്ന്...
27 July 2024 9:34 AM GMTഅര്ജുന് വേണ്ടി ഇപ്പോള് നടക്കുന്ന തിരച്ചിലില് കുടുംബം തൃപ്തരെന്ന്...
27 July 2024 9:30 AM GMTനീതി ആയോഗ് യോഗം ബഹിഷ്കരിച്ച് പ്രതിപക്ഷ മുഖ്യമന്ത്രിമാര്; മൈക്ക്...
27 July 2024 9:27 AM GMTഎത്യോപ്യയിലുണ്ടായ മണ്ണിടിച്ചിലില് മരണം 275 ആയി; നിരവധി പേര്...
27 July 2024 7:43 AM GMTവിസ്മയച്ചെപ്പ് തുറന്ന് പാരിസ് ഒളിംപിക്സിന് കൊടിയേറ്റം;...
27 July 2024 7:21 AM GMT