യുഎഇയില് മലയാളി ഡോക്ടര്ക്ക് ഗോള്ഡന് വിസ; അപൂര്വ നേട്ടം കാസര്കോട് സ്വദേശിക്ക്
കാസര്കോട് കാഞ്ഞങ്ങാട് മാണിക്കോത്ത് സ്വദേശി ഡോ സി എച്ച് അബ്ദുല് റഹ്മാനാണ് ഈ അപൂര്വ നേട്ടത്തിന് ഉടമയായത്.
ദുബയ്:യുഎഇയില് കൊവിഡ് വ്യാപനം തടയുന്നതില് നിസ്തുല സേനവമര്പ്പിക്കുന്ന ഡോക്ടര്മാര്ക്ക് പ്രഖ്യാപിച്ച ഗോള്ഡന് വിസ ലഭിച്ചവരില് മലയാളിയും.കാസര്കോട് കാഞ്ഞങ്ങാട് മാണിക്കോത്ത് സ്വദേശി ഡോ സി എച്ച് അബ്ദുല് റഹ്മാനാണ് ഈ അപൂര്വ നേട്ടത്തിന് ഉടമയായത്.
കൊവിഡ് കാലത്തെ സേവനങ്ങള്ക്ക് യുഎഇയിലെ ആരോഗ്യ പ്രവര്ത്തകരെ ആദരിക്കുന്നതിന്റെ ഭാഗമായി ദുബയ് ഹെല്ത്ത് അതോറിറ്റിക്ക് കീഴില് പ്രവര്ത്തിക്കുന്ന ഡോക്ടര്മാര്ക്ക് പത്തുവര്ഷത്തെ ഗോള്ഡന് വിസ നല്കുമെന്ന് യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിന് റാഷിദ് അല് മക്തൂം പ്രഖ്യാപിച്ചിരുന്നു.212 ഡോക്ടര്മാര്ക്കാണ് ഇത്തരത്തില് ഗോള്ഡന് വിസ ലഭിക്കുന്നത്. യുഎഇയില് ഇതാദ്യമായാണ് ഡോക്ടര്മാര്ക്ക് ഗോള്ഡന് വിസ നല്കുന്നത്.
17 വര്ഷമായി യുഎഇയില് സേവനമനുഷ്ഠിക്കുന്ന ഡോക്ടര് ദുബയ് ലത്തീഫാ ആശുപത്രിയില് ശിശു രോഗവിദഗ്ധനാണ്. കോഴിക്കോട് മെഡിക്കല് കോളജില് നിന്ന് എംബിബിഎസ് പൂര്ത്തിയാക്കിയ ഡോക്ടര് അലിഗഢ് യൂണിവേഴ്സിറ്റിയില് നിന്നാണ് എംഡി കരസ്ഥമാക്കിയത്. പിന്നീട് ഇംഗ്ലണ്ടിലെ റോയല് കോളജ് ഓഫ് പീഡിയാട്രിക് ആന്ഡ് ചൈല്ഡ് ഹെല്ത്തില് നിന്ന് ബിരുദവും(എംആര്സിപിസിഎച്ച്) നേടി.
പരേതനായ പി മുഹമ്മദിന്റെയും സുലൈഖയുടെയും മകനാണ്. ഷമീമയാണ് ഭാര്യ. മകന് മുഹമ്മദ് നിഹാല് കെ എസ് ഹെഗ്ഡെ മെഡിക്കല് കോളജില് എംബിബിഎസ് വിദ്യാര്ത്ഥിയാണ്. വിദ്യാര്ത്ഥികളായ അഹ്മദ് സെയിന്, ഹയാ ഫാത്തിമ, ഹലീമ എന്നിവരാണ് മറ്റ് മക്കള്.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
