കെ എ മൊയ്തീന്‍ ഓണ്‍ലൈന്‍ അനുസ്മരണം

മസ്‌കത്ത്: കഴിഞ്ഞദിവസം നാട്ടില്‍ നിര്യാതനായ ഗള്‍ഫാറിലെ എന്‍ജിനീയറും സാമൂഹികസാംസ്‌കാരിക മേഖലകളിലെ സജീവ സാന്നിധ്യവുമായിരുന്ന തൃശൂര്‍ മതിലകം സ്വദേശി കെ എ മൊയ്തീനെ സുഹൃത്തുക്കളും സഹപ്രവര്‍ത്തകരും വിവിധ ജീവകാരുണ്യ സന്നദ്ധസംഘടന പ്രവര്‍ത്തകര്‍ അനുസ്മരിച്ചു.

ഓണ്‍ലൈനില്‍ നടന്ന പരിപാടിയില്‍ വിവിധ രാജ്യങ്ങളില്‍നിന്നുള്ളവര്‍ പങ്കെടുത്തു. ഗള്‍ഫാര്‍ മുഹമ്മദലി, ഇ എം അഷ്‌റഫ്, അബ്ദുല്‍ ഹമീദ് (എസ്ഡിപിഐ സംസ്ഥാന സെക്രട്ടറി), വി എം എ ഹക്കീം, കെ പി സി മുഹമ്മദ് കുഞ്ഞി, ഡോ. സി എം നജീബ്, അമീര്‍ അഹ്മദ്, നദീര്‍ മാഹി സോഷ്യല്‍ ഫോറം ഒമാന്‍ കെ കെ ഹുസൈന്‍, പി ഖലീല്‍ സംസാരിച്ചു. ഡോ. നജീബ് നിയന്ത്രിച്ചു, ഫസലുദീന്‍ സ്വാഗതം പ്രസംഗം നടത്തി കെ എ മൊയ്തീന്റെ കുടുംബാംഗങ്ങളും പരിപാടിയില്‍ പങ്കെടുത്തു.