ഗോഎയര്‍ ദുബയ്-കണ്ണൂര്‍ ബുക്കിംഗ് ആരംഭിച്ചു

ദുബയ്: ഇന്ത്യയിലെ സ്വകാര്യ ബജറ്റ് വിമാന കമ്പനികളിലൊന്നായ ഗോഎയര്‍ പുതിയതായി ആരംഭിക്കുന്ന ദുബയ്-കണ്ണൂര്‍ സെക്ടറിലേക്ക് ടിക്കറ്റ് ബുക്കിംഗ് ആരംഭിച്ചു. 700 ദിര്‍ഹം മുതലാണ് ടിക്കറ്റ് നിരക്ക്. ഈ മാസം 26 മുതലാണ് സര്‍വ്വീസ് ആരംഭിക്കുന്നത്. വെളുപ്പിന് 12.20 ന് ദുബയ് ടെര്‍മിനല്‍ ഒന്നില്‍ നിന്നും പുറപ്പെടുന്ന വിമാനം രാവിലെ 5.55 ന് കണ്ണൂരിലെത്തും അവിടെ നിന്നും വൈകിട്ട് 7.30 ന് പുറപ്പെടുന്ന വിമാനം രാത്രി 10.20 ന് ദുബയിലെത്തും. 7 കിലോ കാബിന്‍ ലഗേജും 30 കിലോ ചെക്കിന്‍ ലഗേജും യാത്രക്കാര്‍ക്ക് സൗജന്യമായി കൊണ്ട് പോകാം.