ദുബയ് മാധ്യമ കൂട്ടായ്മ അനുശോചിച്ചു.

ദുബയ്: സിറാജ് ദിനപത്രം തിരുവനന്തപുരം ബ്യുറോ മേധാവി കെ എം ബഷീറിന്റെ നിര്യാണത്തില്‍ ദുബയ് ഇന്ത്യന്‍ മാധ്യമ കൂട്ടായ്മ അനുശോചിച്ചു. സത്യസന്ധത കൊണ്ടും തൊഴിലിനോടുള്ള പ്രതിബദ്ധത കൊണ്ടും മാതൃകയായിരുന്നു ബഷീര്‍ എന്ന് പങ്കെടുത്തവര്‍ അനുസ്മരിച്ചു ബഷീര്‍ മരണപ്പെടാന്‍ ഇടയായ അപകടത്തെ സംസ്ഥാന സര്‍ക്കാര്‍ നിസാരമായി കാണരുത് . ഉത്തരവാദിത്ത പൂര്‍ണമായ അന്വേഷണം നടക്കുന്നുണ്ടെന്ന് ഉറപ്പു വരുത്തണം കൂട്ടായ്മ ആവശ്യപ്പെട്ടു. നിഷ് മേലാറ്റൂര്‍ അനുശോചന പ്രമേയം അവതരിപ്പിച്ചു കെ എം അബ്ബാസ് അധ്യക്ഷത വഹിച്ചു .എം സി എ നാസര്‍, രാജു മാത്യു ,ജലീല്‍ പട്ടാമ്പി, ജമാല്‍ വട്ടംകുളം, സാദിഖ് കാവില്‍, അനീഷ് എന്നിവര്‍ പങ്കെടുത്തു