ചിത്രരചനാ മല്‍സരവും മോട്ടിവേഷന്‍ ക്ലാസും സംഘടിപ്പിച്ചു

ഖഫ്ജി: സൗഹൃദം ആഘോഷിക്കൂ എന്ന പ്രമേയത്തില്‍ ഇന്ത്യാ ഫ്രറ്റേണിറ്റി ഫോറം സംഘടിപ്പിച്ചു വരുന്ന ഫെസ്റ്റിന്റെ ഭാഗമായി ഖഫ്ജി ഏരിയാ കമ്മിറ്റി കുട്ടികള്‍ക്കായി ചിത്ര രചനാ മത്സരവും, ക്ഷിതാക്കള്‍ക്കും വിദ്യാര്‍ത്ഥികള്‍ക്കുമായി മോട്ടിവേഷന്‍ ക്ലാസും സംഘടിപ്പിച്ചു. വിദ്യാര്‍ഥികളില്‍ കണ്ടുവരുന്ന മെന്റല്‍ ബ്ലോക്ക് ഒഴിവാക്കുന്നതിനും പഠനത്തോടൊപ്പം അച്ചടക്കം എങ്ങനെ ഉണ്ടാക്കിയെടുക്കാം എന്നവിഷയത്തില്‍ അബ്ദുല്ല നാറാത്ത് ക്ലാസ്സെടുത്തു. നിരവധി വിദ്യാര്‍ത്ഥികളും രക്ഷിതാക്കളും പങ്കെടുത്തു. റിയാസ് കൊല്ലായി, ഹനീഫ കണ്ണൂര്‍ സംസാരിച്ചു. റഫീഖ് കുറിഞ്ചിലക്കാട്, വഹാബ് പൂവച്ചല്‍, ജംഷീര്‍ കണ്ണൂര്‍ നേതൃത്വം നല്‍കി.