വിവാദ സിനിമ കേരള സ്റ്റോറി 2 ഹൈക്കോടതി ഇന്നുകാണും

കൊച്ചി: വിവാദ സിനിമ കേരള സ്റ്റോറി 2 ഹൈക്കോടതി ഇന്നുകാണും. കേരള ജനതയുടെ ആശങ്ക അവഗണിക്കാനാവില്ലെന്ന് നിരീക്ഷിച്ച കോടതിയുടെ അന്തിമ വിധി സിനിമ കണ്ടതിനു ശേഷമായിരിക്കും ഉണ്ടാവുക.

'കേരള സ്റ്റോറി 2' വിന്റെ സെന്‍സര്‍ സര്‍ട്ടിഫിക്കറ്റ് റദ്ദാക്കണമെന്ന് ആവശ്യപ്പെട്ട് കണ്ണൂര്‍ ചിറ്റാരിപ്പറമ്പ് സ്വദേശി ശ്രീദേവ് നമ്പൂതിരി സമര്‍പ്പിച്ച ഹരജി പരിഗണിക്കവെയാണ് കോടതി ഇന്നലെ സിനിമ കാണും എന്ന തീരുമാനം എടുത്തത്.

ഹര്‍ജി ഫയലില്‍ സ്വീകരിച്ച കോടതി കേന്ദ്ര സെന്‍സര്‍ ബോര്‍ഡിനോടും നിര്‍മ്മാതാക്കളായ സണ്‍ഷൈന്‍ പിക്ചേഴ്സിനോടും വിശദീകരണം തേടുകയായിരുന്നു.