കൊവിഡ്: കുവൈത്തില് മൂന്ന് മരണം; 332 ഇന്ത്യക്കാര് ഉള്പ്പെടെ 1073 പേര്ക്ക് പുതുതായി വൈറസ് ബാധ
ഇന്ന് കൊവിഡ് മരണം സ്ഥിരീകര്ക്കപ്പെട്ടവര് ഏത് രാജ്യക്കാരാണെന്ന് വ്യക്തമല്ല.
കുവൈത്ത് സിറ്റി: കുവൈത്തില് കൊറോണ വൈറസ് രോഗത്തെ തുടര്ന്ന് 3 പേര് കൂടി മരിച്ചു. വൈറസ് ബാധയെ തുടര്ന്ന് വിവിധ ആശുപത്രികളില് ചികില്സയിലായിരുന്നു ഇവര്. ഇന്ന് കൊവിഡ് മരണം സ്ഥിരീകര്ക്കപ്പെട്ടവര് ഏത് രാജ്യക്കാരാണെന്ന് വ്യക്തമല്ല. രാജ്യത്ത് കൊറോണ വൈറസ് ബാധയെ തുടര്ന്ന് മരണമടഞ്ഞവരുടെ എണ്ണം ഇതോടെ 121 ആയി. 332 ഇന്ത്യക്കാര് ഉള്പ്പെടെ 1073 പേര്ക്കാണു ഇന്നു രോഗ ബാധ സ്ഥിരീകരിച്ചിരിക്കുന്നത്. ഇതോടെ ആകെ കൊറോണ വൈറസ് ബാധയേറ്റവരുടെ എണ്ണം 16764 ആയി. ഇവരില് 5406 പേര് ഇന്ത്യാക്കാരാണ്. ഇന്ന് രോഗ ബാധ സ്ഥിരീകരിക്കപ്പെട്ടവര് സമ്പര്ക്കം വഴിയും ഉറവിടം അന്വേഷണത്തിലുള്ള വിഭാഗത്തില് പെട്ടവരാണ്. ഇന്ന് രോഗ ബാധിതരായവരുടെ ആരോഗ്യ മേഖല തിരിച്ചുള്ള കണക്കുകള് ഇപ്രകാരമാണ്.
ഫര്വ്വാനിയ 397, അഹമദി 258, ഹവല്ലി 181, കേപിറ്റല് 113, ജഹറ 124. രോഗ ബാധ സ്ഥിരീകരിക്കപ്പെട്ടവരുടെ താമസ കേന്ദ്രങ്ങള് അടിസ്ഥാനമാക്കിയുള്ള കണക്ക് പ്രകാരം ഫര്വ്വാനിയയില് 131 പേര്ക്കും ജിലീബില് 77 പേര്ക്കും ഹവല്ലിയില് നിന്ന് 55 പേര്ക്കും ഖൗത്താനില് നിന്ന് 76 പേര്ക്കുമാണ് രോഗ ബാധ റിപ്പോര്ട്ട് ചെയ്യപ്പെട്ടത്.
ഇന്ന് രോഗബാധ സ്ഥിരീകരിക്കപ്പെട്ട മറ്റു രാജ്യക്കാരുടെ എണ്ണം ഇപ്രകാരമാണ്. സ്വദേശികള് 231. ഈജിപ്ത്കാര് 181, ബംഗ്ലാദേശികള് 102, മറ്റുള്ളവര് വിവിധ രാജ്യങ്ങളില് നിന്നുള്ളവരാണ്.
ഇന്ന് 342 പേരാണു രോഗ മുക്തി നേടിയത്. ഇതോടെ ആകെ രോഗം സുഖമായവരുടെ എണ്ണം 4681 ആയി. ആകെ 11962 പേരാണു ഇപ്പോള് ചികില്സയില് കഴിയുന്നത്. ഇവരില് 179 പേര് തീവ്ര പരിചരണ വിഭാഗത്തില് കഴിയുന്നവരാണെന്നും ആരോഗ്യ മന്ത്രാലയം വക്താവ് അബ്ദുല്ല അല് സനദ് വാര്ത്താ സമ്മേളനത്തില് അറിയിച്ചു.
RELATED STORIES
ദുഃഖ വെള്ളിയും ഈസ്റ്ററും പ്രവൃത്തി ദിനങ്ങളായി പ്രഖ്യാപിച്ച ...
28 March 2024 10:18 AM GMTപയ്യാമ്പലത്ത് സിപിഎം നേതാക്കളുടെ സ്മൃതി കുടീരങ്ങളില് കരി ഓയില്...
28 March 2024 10:17 AM GMTതാജ്മഹൽ ശിവക്ഷേത്രമായി പ്രഖ്യാപിക്കണം; യു പി കോടതിയിൽ പുതിയ ഹരജി
28 March 2024 10:16 AM GMTസ്ഥിരമായി കാട്ടാന ആക്രമണം; നൂറ് കണക്കിന് മരങ്ങളും കൃഷിയും നശിപ്പിച്ചു; ...
28 March 2024 10:14 AM GMTകെജ് രിവാളിന് മുഖ്യമന്ത്രിയായി തുടരാം; നീക്കണമെന്ന ഹരജി ഡല്ഹി...
28 March 2024 9:38 AM GMTയുഎഇയില് മലയാളി ഉടമയുടെ ചതിയില്പ്പെട്ട മുന് സൈനികന് 40 ലക്ഷം...
28 March 2024 9:13 AM GMT