കൊവിഡ് ബാധിച്ച് മുംബൈ സ്വദേശി തുറൈഫില്‍ മരിച്ചു

തുറൈഫ്(സൗദി അറേബ്യ): കൊവിഡ് ബാധയെത്തുടന്ന് മുംബൈ സ്വദേശി മുഹമ്മദ് സാജിദ് ഖാന്‍ (51) തുറൈഫില്‍ മരണപ്പെട്ടു. മയ്യിത്ത് തുറൈഫ് ഗവര്‍ണറേറ്റ് ഹോസ്പിറ്റല്‍ മോര്‍ച്ചറിയില്‍ സൂക്ഷിച്ചിരിക്കുകയാണ്. അല്‍ ബയാന്‍ ഇന്റര്‍നാഷനല്‍ ജനറല്‍ കോണ്‍ട്രാക്ടിങ് കമ്പനിയില്‍ ഫ്രീലാന്‍സറായി ജോലിചെയ്തുവന്നിരുന്ന മുഹമ്മദ് സാജിദ് ഈമാസം ആദ്യമാണ് ജുബൈലില്‍നിന്നും തുറൈഫിലേക്ക് ട്രാന്‍സ്ഫറായി വന്നത്. രണ്ടുദിവസം ജോലിക്ക് ഹാജരായെങ്കിലും അസുഖബാധയെതുടര്‍ന്നു ആശുപത്രിയില്‍ പ്രവേശിപ്പിച്ചു.

തുടര്‍ന്നു അസുഖം മൂര്‍ഛിച്ച് കഴിഞ്ഞ ദിവസം മരണപ്പെടുകയായിരുന്നു. ഭാര്യ: നിശാദ് ഖാന്‍. മക്കള്‍: നയാബ്, റുഹാബ്, ഇഹാബ്. ഇന്ത്യന്‍ സോഷ്യല്‍ ഫോറം റിയാദ് വെല്‍ഫെയര്‍ കോ-ഓഡിനേറ്റര്‍ മുഈനുദ്ദീന്‍ മലപ്പുറം, വളന്റിയര്‍ മുനീബ് പാഴൂര്‍ എന്നിവരുടെ നേതൃത്വത്തില്‍ തുറൈഫ് വളന്റിയര്‍മാരായ സലിം, അന്‍വര്‍, ഷെഫീഖ്, ഫായിസ്, മരിച്ച മുഹമ്മദ് സാജിദിന്റെ സഹോദരന്‍ മുഹമ്മദ് മാജിദ് ഖാന്‍ എന്നിവര്‍ രേഖകള്‍ തയ്യാറാക്കാന്‍ രംഗത്തുണ്ട്.