കൊവിഡ്; കുവൈത്തില്‍ നാല് മരണം

കുവൈത്ത് സിറ്റി : കുവൈത്തില്‍ കൊവിഡ് രോഗത്തെ തുടര്‍ന്നു ഇന്നു 4 പേര്‍ കൂടി മരണമടഞ്ഞു.ഇതോടെ രാജ്യത്ത് കൊറോണ വൈറസ് ബാധയെ തുടര്‍ന്ന് മരണമടഞ്ഞവരുടെ എണ്ണം 808 ആയി. 742പേര്‍ക്കാണ് ഇന്ന് രോഗം സ്ഥിരീകരിച്ചത് . ഇതോടെ ആകെ കൊവിഡ് ബാധയേറ്റവരുടെ എണ്ണം ഒന്നേ കാല്‍ ലക്ഷം കവിഞ്ഞു 131205ആയി. 626പേര്‍ ഇന്ന് രോഗ മുക്തരായി ഇതോടെ ആകെ രോഗം സുഖമായവരുടെ എണ്ണം ഒരു ലക്ഷം കടന്നു 121889ആയി. ആകെ 8508പേരാണു ഇപ്പോള്‍ ചികില്‍സയില്‍ കഴിയുന്നത്. തീവ്ര പരിചരണത്തില്‍ കഴിയുന്നവരുടെ എണ്ണം 114ആയി. .കഴിഞ്ഞ 24 മണിക്കൂറിനിടയില്‍ 5278പേരില്‍ കൊറോണ വൈറസ് പരിശോധന നടത്തി. ഇതോടെ ആകെ പരിശോധന നടത്തിയവരുടെ എണ്ണം 960725 ആയി.