കൊവിഡ്: കുവൈത്തില്‍ ഇന്ന് അഞ്ച് മരണം; 429 സ്വദേശികള്‍ അടക്കം 751 പേര്‍ക്ക് വൈറസ് ബാധ

കുവൈത്ത് സിറ്റി: കുവൈത്തില്‍ കൊവിഡ് രോഗത്തെത്തുടര്‍ന്നു ഇന്ന് അഞ്ചുപേര്‍ മരിച്ചു. ഇതോടെ രാജ്യത്ത് വൈറസ് ബാധയെ തുടര്‍ന്ന് മരണപ്പെട്ടവരുടെ എണ്ണം 417 ആയി. 429 സ്വദേശികള്‍ അടക്കം 751 പേര്‍ക്കാണു ഇന്ന് രോഗബാധ സ്ഥിരീകരിച്ചിരിക്കുന്നത്. ഇതടക്കം ഇന്ന് വരെ ആകെ വൈറസ് ബാധയേറ്റവരുടെ എണ്ണം 61,185 ആയി. രോഗബാധിതരായവരുടെ ആരോഗ്യമേഖല അടിസ്ഥാനമാക്കിയുള്ള കണക്ക് ഇപ്രകാരമാണ്.

ഫര്‍വാനിയ- 155, അഹമ്മദി- 253, ഹവല്ലി- 97, കേപിറ്റല്‍- 69, ജഹറ- 177. ഇന്ന് 601 പേരാണു രോഗമുക്തരായത്. ഇതോടെ രോഗം സുഖമായവരുടെ എണ്ണം 51,520 ആയി. 9248 പേരാണ് ഇപ്പോള്‍ ചികില്‍സയില്‍ കഴിയുന്നത്. ഇവരില്‍ 127 പേര്‍ തീവ്രപരിചരണ വിഭാഗത്തിലാണ്. കഴിഞ്ഞ 24 മണിക്കൂറിനിടയില്‍ 4,139 പേര്‍ക്കാണ് വൈറസ് പരിശോധന നടത്തിയത്. ആകെ പരിശോധന നടത്തിയവരുടെ എണ്ണം 4,71,000 ആയി.