കൊവിഡ്: യുഎഇയില്‍ ഇന്ന് 13 മരണം

അബൂദബി: യുഎഇയില്‍ കൊവിഡ് 19 ബാധിതരുടെയും ചികില്‍സയിലിരിക്കെ മരണപ്പെട്ടവരുടെയും എണ്ണത്തില്‍ വര്‍ധന. ഇന്ന് 13 പേര്‍ മരണപ്പെട്ടു. രാജ്യത്ത് ഇതുവരെ റിപോര്‍ട്ട് ചെയ്ത ഒരു ദിവസത്തെ മരണസംഖ്യയില്‍ ഏറ്റവും ഉയര്‍ന്ന കണക്കാണ് ഇന്ന് രേഖപ്പെടുത്തിയത്. ഇതോടെ ആകെ മരണസംഖ്യ 198 ആയി. അതേസമയം, 781 പേര്‍ക്കുകൂടി പുതുതായി കൊവിഡ് സ്ഥിരീകരിച്ചതായി ആരോഗ്യ മന്ത്രാലയം അറിയിച്ചു. 29000 പുതിയ ടെസ്റ്റുകള്‍ നടത്തിയപ്പോഴാണ് പോസിറ്റീവ് കേസുകളുടെ എണ്ണം ഉയര്‍ന്നത്. ഇതോടെ ആകെ രോഗബാധിതരുടെ എണ്ണം 18,198 ആയി. ഇന്നത്തെ കണക്കുകള്‍ പ്രകാരം 509 പേര്‍ക്ക് അസുഖം പൂര്‍ണമായും ഭേദപ്പെട്ടിട്ടുണ്ട്. 4,804 ആണ് രോഗമുക്തി നേടിയവരുടെ ആകെ എണ്ണം.