ദുബയില്‍ നിന്നു മസ്‌കത്തിലേക്ക് കുറഞ്ഞ നിരക്കില്‍ ബസ് സര്‍വീസ് ഏര്‍പ്പെടുത്തി

ദുബയ്: ദുബയ് ട്രാന്‍സ്‌പോര്‍ട്ട് അതോറിറ്റിയും ഒമാന്‍ നാഷനല്‍ ട്രാന്‍സ്‌പോര്‍ട്ട് കമ്പനിയും സഹകരിച്ച് ദുബയ്-മസ്‌കത്ത് ബസ് സര്‍വീസ് തുടങ്ങി. 55 ദിര്‍ഹമാണ് ടിക്കറ്റ് നിരക്ക്. റിട്ടേണ്‍ ടിക്കറ്റിന് 90 ദിര്‍ഹമാണ്. ദിവസവും 3 സര്‍വീസ് ആരംഭിച്ചിരിക്കുന്നത്. രാവിലെ 7.30നും വൈകീട്ട് 3.30നും രാത്രി 11നും അബുഹൈല്‍ ബസ് സ്‌റ്റേഷനില്‍ നിന്ന് പുറപ്പെടുന്ന ബസ് എയര്‍പോര്‍ട്ട് ടെര്‍മിനല്‍ രണ്ട് വഴി റാഷിദിയ്യ ബസ് സ്‌റ്റേഷന്‍ വഴിയായിരിക്കും മസ്‌കത്തിലേക്ക് പുറപ്പെടുക. ശരാശരി 6 മണിക്കൂറിനകം ബസ് ലക്ഷ്യ സ്ഥാനത്ത് എത്തുമെന്ന് അധികൃതര്‍ അറിയിച്ചു.