യുഎഇയില്‍ ഇന്ത്യക്കാരനടക്കം 14 പേര്‍ക്ക് പുതിയതായി കൊറോണ കണ്ടെത്തി

ദുബയ്: യുഎഇയില്‍ 14 പേര്‍ക്ക് കൂടി കൊറോണ വൈറസ് ബാധിച്ചതായി യുഎഇ ആരോഗ്യ മന്ത്രാലയം സ്ഥിരീകരിച്ചു. ഇതോടെ കൊറോണ വൈറസ് ബാധയേറ്റവരുടെ എണ്ണം 59 ആയി ഉയര്‍ന്നു. ബാധയേറ്റവരില്‍ ഒരു ഇന്ത്യക്കാരനും ഉള്‍പ്പെടും. രോഗം ബാധിച്ചവരില്‍ നാല് പേര്‍ സ്വദേശികളാണ്. മൂന്ന് പേര്‍ ഇറ്റലിക്കാരും രണ്ട് പേര്‍ വീതം ബംഗ്ലാദേശികളും നേപ്പാളികളുമാണ്. റഷ്യ, സിറിയ എന്നീ രാജ്യക്കാരായ ഒരാള്‍ വീതവും രോഗം ബാധിച്ചിട്ടുണ്ട്.