കൊവിഡ് മൂലം സൗദിയില്‍ കുടുങ്ങിയ വിദേശ വാഹനങ്ങള്‍ക്ക് പിഴ ഇളവ് നല്‍കി

ദമ്മാം: നിശ്ചിത സമയ പരിധിക്കകം സൗദി വിടാത്തതിന്റെ പേരില്‍ വിദേശ വാഹനങ്ങള്‍ക്കു പിഴ അടക്കുന്നതില്‍ നിന്ന് സൗദി കസ്റ്റംസ് ഇളവ് നല്‍കി.

2019, ഡിസംബര്‍ 12 മുതല്‍ സൗദിയില്‍ പ്രവേശിക്കുകയും കൊവിഡ് മുലം തിരിച്ചു പോവാന്‍ കഴിയാത്തതുമായ വാഹനങ്ങള്‍ക്കാണ് ഇളവ് അനുവദിക്കുക. എന്നാല്‍ ഈ സമയ പരിധിയില്‍ പെടുന്ന വാഹനങ്ങള്‍ ഇന്നു മുതല്‍ ഒരു മാസത്തിനകം സൗദിയില്‍ നിന്നും പുറത്ത് പോയിരിക്കണമെന്ന് വ്യവസ്ഥയുണ്ട്.

പിഴ ഇളവ് നല്‍കണമെന്ന വ്യക്തമാക്കുന്ന അപേക്ഷ കസ്റ്റംസിനു സമര്‍പിക്കണമെന്ന് സൗദി കസ്റ്റംസ് വ്യക്തമാക്കി.