ഇറാനെതിരായ യുഎസ്-ഇസ്രായേല്‍ ആക്രമണങ്ങള്‍ക്ക് നിയമസാധുതയില്ലെന്ന് ഫ്രഞ്ച് നയതന്ത്രജ്ഞന്‍

പാരിസ്: ഇറാനെതിരായ യുഎസ്-ഇസ്രായേല്‍ ആക്രമണങ്ങള്‍ക്ക് നിയമസാധുതയില്ലെന്ന് ഫ്രാന്‍സിന്റെ വിദേശകാര്യ മന്ത്രി ജീന്‍-നോയല്‍ ബാരറ്റ്. ഇറാനെതിരേ ഇസ്രായേലിന്റേയും അമേരിക്കയുടേയും ഏകപക്ഷീയമായ ആക്രമണങ്ങള്‍ ഐക്യരാഷ്ട്രസഭ പോലുള്ള സ്ഥാപനങ്ങളില്‍ ചര്‍ച്ച ചെയ്യേണ്ടതായിരുന്നുവെന്നും ജീന്‍-നോയല്‍ ബാരറ്റ്.

എല്ലാവര്‍ക്കും അവരുടെ ഉത്തരവാദിത്തങ്ങള്‍ ഏറ്റെടുക്കാമായിരുന്നു, കാരണം ഐക്യരാഷ്ട്രസഭ സുരക്ഷാ കൗണ്‍സിലിന് മുന്നില്‍ പോകുന്നതിലൂടെ മാത്രമേ ബലപ്രയോഗത്തിന് ആവശ്യമായ നിയമസാധുത നേടാനാകൂ എന്ന് പാരീസിലെ മന്ത്രാലയത്തില്‍ ഒരു യോഗം നടത്തിയ ശേഷം ബാരറ്റ് മാധ്യമപ്രവര്‍ത്തകരോട് പറഞ്ഞു. ഈ ഘട്ടത്തില്‍ ഫ്രഞ്ചുകാരൊന്നും ഇരകളായതായി റിപോര്‍ട്ട് ചെയ്യപ്പെട്ടിട്ടില്ലെന്നും ഫ്രഞ്ച് നയതന്ത്രജ്ഞന്‍ കൂട്ടിച്ചേര്‍ത്തു.