കൊവിഡ് 19 മരണ സംഖ്യ മറച്ചുവെക്കാന് ശ്രമിച്ചുവെന്ന ആരോപണങ്ങൾ നിഷേധിച്ച് ചൈന
കൊവിഡ് മരണസംഖ്യയിലെ പുനപ്പരിശോധനയില് വുഹാനിലെ മരണസംഖ്യ ഉയര്ന്നതോടെ ചൈനയിലെ ആകെ മരണം 4636 ആയി
ബെയ്ജിങ്: കൊവിഡ് 19 മരണ സംഖ്യ മറച്ചുവെക്കാന് ശ്രമിച്ചുവെന്ന ആരോപണങ്ങൾ നിഷേധിച്ച് ചൈന. വുഹാനില് കോവിഡ് 19 മരണസംഖ്യ 3869 ആയി ഉയര്ന്നതില് അസ്വാഭാവികതയില്ലെന്നും ചൈന പറഞ്ഞു. ഇതൊരു സ്റ്റാറ്റിക്കല് വെരിഫിക്കേഷന് പ്രക്രിയയുടെ ഭാഗമാണെന്നും അതൊരു സാധാരണ അന്താരാഷ്ട്ര രീതിയാണെന്നും ചൈനീസ് വിദേശകാര്യ മന്ത്രാലയ വക്താവ് ഷാവോ ലിജിയാന് പറഞ്ഞു.
കൊവിഡ് മരണസംഖ്യയിലെ പുനപ്പരിശോധനയില് വുഹാനിലെ മരണസംഖ്യ ഉയര്ന്നതോടെ ചൈനയിലെ ആകെ മരണം 4636 ആയി. നേരത്തെ 3346 ആയിരുന്നു ചൈനയിലെ മരണസംഖ്യ. തിരുത്തല് കണക്കുകള് പ്രകാരം 50% വര്ധനയാണ് ഉണ്ടായത്. വുഹാനില് മരിച്ചവരുടെ എണ്ണം 2579ല് നിന്ന് 3869 ആയാണ് വര്ധിച്ചിരിക്കുന്നത്. പതിനായിരത്തിലധികം മരണങ്ങള് പല രാജ്യങ്ങളിലും രേഖപ്പെടുത്തിയ സാഹചര്യത്തില് ചൈനയിലെ മരണസംഖ്യ സംശയത്തിന് ഇടയാക്കിയിരുന്നു.
ഈ പശ്ചാത്തലത്തിലാണ് പുതുക്കിയ കണക്ക് ചൈന പുറത്തു വിട്ടത്. എന്നാൽ കൊവിഡ് 19 ന്റെ കാഠിന്യം മറച്ചുവെക്കുന്നതില് ചൈനീസ് സര്ക്കാര് ശ്രമിച്ചുവെന്ന അവകാശവാദം ഷാവോ ലിജിയാന് നിരസിച്ചു. ട്രംപ് അടക്കം പല ലോകനേതാക്കളും ചൈനയിലെ കണക്കുകളില് സംശയം രേഖപ്പെടുത്തിയിരുന്നു. വൈറസ് ഭീഷണിയെക്കുറിച്ച് ലോകത്തെ തെറ്റിദ്ധരിപ്പിക്കാന് ചൈനയുമായി ഗൂഢാലോചന നടത്തിയെന്നാരോപിച്ച് ലോകാരോഗ്യ സംഘടനയ്ക്കുള്ള ധനസഹായം അമേരിക്കന് പ്രസിഡന്റ് ഡൊണാള്ഡ് ട്രംപ് മരവിപ്പിച്ചിരുന്നു.
RELATED STORIES
ബ്ലാസ്റ്റേഴ്സില് ഇവാന് വുകോമനോവിച്ച് യുഗം അവസാനിച്ചു
26 April 2024 2:53 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTസംസ്ഥാനത്ത് പലയിടത്തും വോട്ടിങ് മന്ദഗതിയിലെന്ന് ആക്ഷേപം; പോളിങ്...
26 April 2024 12:36 PM GMTവോട്ട് ചെയ്യുക എന്നത് ഓരോ പൗരന്റെയും അവകാശവും കടമയുമാണെന്ന് നടന്...
26 April 2024 11:33 AM GMT