ഗസയിലെ വെടിനിര്ത്തല് ഇന്നു മുതല്; 13 ബന്ദികളെ ഹമാസ് മോചിപ്പിക്കും
വെടിനിര്ത്തല് ആരംഭിക്കുന്നതിന് മണിക്കൂറുകള്ക്ക് മുമ്പ് ഗസയിലെ ആശുപത്രിയില് ഇസ്രയേല് ബോംബ് വര്ഷിച്ചതായി ഉദ്യോഗസ്ഥരെ ഉദ്ധരിച്ച് റോയിട്ടേഴ്സ് റിപ്പോര്ട്ട് ചെയ്യുന്നു. വൈകുന്നേരം നാലുമണിയോടു കൂടിയായിരിക്കും ആദ്യഘട്ടത്തില് ബന്ദി കൈമാറ്റം നടക്കുക. അടുത്ത നാല് ദിവസങ്ങളിലായി 50 ബന്ദികളെ ഹമാസ് മോചിപ്പിക്കും. ഇസ്രായേല് ജയിലില് കഴിയുന്ന ഫലസ്തീനികളെയും വിട്ടുനല്കുമെന്ന് ഖത്തര് വിദേശകാര്യമന്ത്രാലയ വക്താവ് മജീദ് അല് അന്സാരി പറഞ്ഞു. ഇന്ധനം അടക്കമുള്ള അവശ്യവസ്തുക്കളടങ്ങിയ 200 ഓളം ട്രക്കുകള് ഗസയില് എത്തുമെന്ന് ഹമാസിനെ ഉദ്ധരിച്ച് വാര്ത്താ ഏജന്സിയായ എ.പി. റിപ്പോര്ട്ട് ചെയ്തു.
അതേസമയം, ഹമാസ് ബന്ദികളെ പാര്പ്പിച്ചിരിക്കുന്ന സങ്കേതങ്ങള് അന്താരാഷ്ട്ര റെഡ്ക്രോസ് കമ്മിറ്റി സന്ദര്ശിക്കണമെന്ന് നിര്ദിഷ്ട വെടിനിര്ത്തല്ക്കരാറില് പറയുന്നുണ്ടെന്ന് ഇസ്രായേല് പ്രധാനമന്ത്രി ബെഞ്ചമിന് നെതന്യാഹു പറഞ്ഞു.
ഇതിനിടെ, ജബലിയ അഭയാര്ഥിക്യാമ്പിനുനേരെയും ബെയ്ത് ഹനൂനിലെ ജനവാസകേന്ദ്രം, പള്ളി എന്നിവയ്ക്കുനേരെയും വ്യാഴാഴ്ച ആക്രമണമുണ്ടായി.ഷെയ്ഖ് റദ്വാനില് ഇസ്രായേല് നടത്തിയ ആക്രമണത്തില് 10 പേര് കൊല്ലപ്പെട്ടു. ഒന്നരമാസമായിത്തുടരുന്ന യുദ്ധത്തില് കൊല്ലപ്പെട്ടവരുടെ എണ്ണം 14,500 കടന്നു. 13,300 ഫലസ്തീന് ജനതയും 1200 ഇസ്രായേല് ജനതയുമാണ് കൊല്ലപ്പെട്ടത്.
RELATED STORIES
ഇറാന് പ്രസിഡന്റ് ഇബ്രാഹിം റഈസിയുടെ മരണം: അനുശോചനം രേഖപ്പെടുത്തി ലോക...
20 May 2024 6:57 AM GMTഇബ്രാഹിം റഈസി സഞ്ചരിച്ച ഹെലികോപ്ടര് കണ്ടെത്താനായില്ല; പ്രസിഡന്റിനു...
19 May 2024 5:54 PM GMTപോക്സോ കേസ്: ഡല്ഹിയില്നിന്ന് പിടിയിലായ മലയാളി രക്ഷപ്പെട്ടു
19 May 2024 12:46 PM GMTബോചെ ടി ലോട്ടറിയല്ല; സര്ക്കാര് വാദം പൊള്ളയെന്ന് ബോബി ചെമ്മണൂര്
19 May 2024 10:33 AM GMTകാഫിര് സ്ക്രീന് ഷോട്ട്; പിന്നില് സിപിഎം ജില്ലാ സെക്രട്ടറി പി...
19 May 2024 9:36 AM GMTകാസര്കോട് കാറും സ്കൂട്ടറും കൂട്ടിയിടിച്ചു; ഭാര്യയും ഭര്ത്താവും...
19 May 2024 5:18 AM GMT