ചൈനയില് വെള്ളപ്പൊക്കം; മരണം 61, കുടിയൊഴിപ്പിക്കല് തുടരുന്നു
ബീജിങ്: ചൈനയില് ഈ മാസമാദ്യം ആരംഭിച്ച കനത്തമഴയെത്തുടര്ന്നുള്ള വെള്ളപ്പൊക്കത്തില് മരണം 61 ആയി. കുടിയൊഴിപ്പിക്കല് തുടരുന്ന തെക്കന്, മധ്യ ചൈനയില് ഇതിനകം മൂന്നരലക്ഷം ആളുകളെ മാറ്റിപാര്പ്പിച്ചു. 9300 വീടുകള് തകരുകയും 3.71 ദശലക്ഷം ഹെക്ടര് കൃഷിഭൂമി നശിച്ചിട്ടുണ്ടെന്നും ചൈനീസ് ദുരന്തനിവാരണ മന്ത്രാലയം അറിയിച്ചു. വെള്ളത്തില് കുടുങ്ങിക്കിടന്ന 4300 ആളുകളെ സുരക്ഷാ പ്രവര്ത്തകര് രക്ഷിച്ചിട്ടുണ്ട്.
വെള്ളപ്പൊക്കത്തിന് പുറമെ, മലയിടിച്ചിലും ഉരുള്പൊട്ടലുമാണ് ജനങ്ങളെ ദുരിതത്തിലാക്കുന്നത്. തെക്കന് ചൈനയിലെ എട്ട് പ്രവിശ്യകളിലായി 45 ലക്ഷത്തോളം പേരെ പ്രളയം ബാധിച്ചതായാണ് കണക്കാക്കുന്നത്. ചിലയിടങ്ങളില് വെള്ളപ്പൊക്കത്തില് രണ്ട് മീറ്ററോളം വെള്ളം പൊങ്ങിയതായി ചൈനയിലെ ദുരന്ത ലഘൂകരണ വിഭാഗം പറയുന്നു. പ്രളയത്തിലാകെ ഇതുവരെ 10 ബില്യണ് യുവാന് നഷ്ടം സംഭവിച്ചതായാണ് സര്ക്കാരിന്റെ വിലയിരുത്തല്. ഗ്വാങ്ഡോങ് പ്രവിശ്യയിലാണ് പ്രളയം കൂടുതല് ബാധിച്ചത്. കാറുകളും പാലങ്ങളും വീടുകളും വെള്ളത്തില് പൂര്ണമായും മുങ്ങി. പ്രളയ ബാധിത പ്രദേശങ്ങളില്നിന്ന് ദുരന്തത്തില്പ്പെട്ടവരെ രക്ഷപ്പെടുത്താനുള്ള ശ്രമങ്ങള് ഇപ്പോഴും തുടരുകയാണ്.
RELATED STORIES
ത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMTതെലങ്കാനയില് ക്രിസ്ത്യന് സ്കൂള് ആക്രമിച്ച സംഭവം: 12 ഹിന്ദുത്വരെ...
20 April 2024 9:28 AM GMT